MN-in hərbi qulluqçusunun ölümü ilə bağlı cinayət işi başlanılıb-HƏRBİ PROKURORLUQ

Müdafiə Nazirliyinin (MN) N saylı hərbi hissəsinin hərbi qulluqçusu, əsgər Nəzərzadə Nihad Natiq oğlunun odlu silahdan açılmış atəş nəticəsində ölməsi faktı ilə əlaqədar cinayət işi başlanılıb.

Etikxeber.az xəbər verir ki, bu barədə Hərbi Prokurorluq məlumat yayıb.

“Müdafiə Nazirliyinin N saylı hərbi hissəsinin hərbi qulluqçusu, əsgər Nəzərzadə Nihad Natiq oğlunun odlu silahdan açılmış atəş nəticəsində ölməsi faktı ilə əlaqədar Qubadlı hərbi prokurorluğunun əməkdaşları tərəfindən hadisə yerinə və meyitə baxış keçirilmiş, iş üçün əhəmiyyət kəsb edən predmetlər maddi sübut kimi götürülmüş, izahatlar alınmış və digər hərəkətlər icra edilmişdir”-deyə, məlumatda bildirilib.

Etikxeber.az