“Müasir dövrdə güc və qüdrət yalnız bu yolla əldə edilir…” – ZÜLFÜQAR HÜSEYNZADƏ – FOTOLAR

Beynəlxalq Liberal Maarifçilik Mərkəzi İctimai Birliyinin (BLMM) həyata keçirdiyi “Gənc nəsldə elm və təhsilə marağın təşviq edilməsi və mənəvi dəyərlərin təbliği” layihəsi çərçivəsində Cəbrayıl rayon 10 saylı tam orta məktəbində tədbir keçirilib.

Etikxeber.az xəbər verir ki, Biləsuvar rayonu ərazisində salınmış 5 saylı məcburi köçkün qəsəbəsində təşkil edilən görüş Azərbaycan Respublikası Prezidentinin Yanında Qeyri Hökumət Təşkilatlarına Dövlət Dəsətəyi Şurasının maliyyə yardımı ilə həyata keçirilən layihə əsasında baş tutub.

Layihə rəhbərinin köməkçisi T. Şahməmmədov gənclərlə görüşün məqsədi barədə məlumat verərək bildirib ki, yeni nəslin hərtərəfli və hazırlıqlı yetişdirilməsi dövlətin və cəmiyyətin başlıca vəzifələrindəndir.
Sonra geniş məruzə ilə çıxış edən layihə rəhbəri, BLMM İctimai Birliyinin sədri Zülfüqar Hüseynzadə gənc nəslin təhsilə və elmə marağının yüksəldilməsini strateji hədəflərdən biri kimi qiymətləndirib. Bildirib ki, Azərbaycan kimi inkişaf etməkdə olan ölkələrdə təhsilin diqqət mərkəzində olması təbiidir: “Xüsusilə nəzərə alsaq ki, bizim ərazilərimizin bir hissəsi mənfur qonşularımız tərəfindən işğal edilib, belə vəziyyətdə bizim yeni nəslin nümayəndələri elmə və təhsilə daha çox diqqət ayırmalıdır. Çünki müasir dövrdə güc və qüdrət yalnız bu yolla əldə edilir”.

Tədbirin sonunda 10 saylı tam orta məktəbin direktoru Elçin Kəlbalıyev belə bir görüşün onun rəhbərlik etdiyi məktəbdə keçirilməsinə görə BLMM-in rəhbərliyinə minnətdarlığını bildirib və belə görüşlərin şagirdlərin dünyagörüşünün zənginləşməsində müsbət rol oynadığını vurğulayıb.






Etikxeber.az

Read Previous

“ÜGT-nin tədbirinin Bakıda keçirilməsi çox mötəbər haldır” – BAŞ NAZİR

Read Next

“Bu, bizi, xüsusilə, beynəlxalq ictimaiyyəti narahat etməlidir” – AZAY QULİYEV

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir