Musiqili Teatrın direktoru İranda keçiriləcək konfransa dəvət olundu

Azərbaycan Dövlət Musiqili Teatrının direktoru, Əməkdar İncəsənət Xadimi Əliqismət Lalayev İran İslam Respublikasında keçiriləcək teatr sənəti üzrə I regional elmi-nəzəri konfransa dəvət olunub.

Teatrın mətbuat xidmətindən Etikxeber.az-a bildirilib ki, konfrans İranın Dramatik İncəsənət Mərkəzinin təşkilatçılığı ilə oktyabrın 30-dan noyabrın 1-dək Tehran şəhərində baş tutacaq. Səhnə sənəti mövzusunda keçiriləcək elmi-nəzəri konfransda bir çox ölkələrin tanınmış incəsənət xadimləri, elm adamları, teatr sənətinin nüfuzlu nümayəndələri iştirak edəcək. Tədbirdə çağdaş dünya teatrlarının inkişaf perspektivləri, beynəlxalq əlaqələrin qurulması və inkişafı, teatr sənətinin bu günü, sabahı və s. məsələlər ətrafında müzakirələr aparılacaq.

İyirmiyə yaxın ölkənin tanınmış səhnə xadimlərinin qatılacağı konfransda Əliqismət Lalayevin “Azərbaycan teatrının inkişaf yolları” mövzusunda çıxışı nəzərdə tutulur.

Etikxeber.az

Read Previous

Pərakəndə mobil satışların ümumi həcmi 220 milyard dollara çatacaq

Read Next

Aramsız yağan yağışlar nəticəsində Kürdə suyun səviyyəsi qalxıb

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0