Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Goranboy rayonunun İkinci Vətən Müharibəsi Şəhidlərindən olan Elməddin Sərdar oğlu Həsrətovun Anım Günüdür.
Bu gün-27 iyun 2025-ci il tarixində Elməddin Həsrətovun Əbədiyyətə uğurlanmasından dörd il keçir.
Nəşi təxminən 9 aydan sonra tapılan Elməddin Həsrətov 2021-ci ilin iyun ayının 27-də Qarasuçu kənd qəbiristanlığında torpağa tapşırılıb.
Qeyd edək ki, Anım Günü ilə bağlı bu gün səhər saatlarında Şəhidin məzarı ziyarət olunacaq, sonra ailəsinin yaşadığı evdə adına ehsan süfrəsi açılacaq.
Etikxeber.az xəbər verir ki, Elməddin Həsrətov 1997-ci ilin may ayının 21-də Qarasuçu kəndində sadə bir ailədə dünyaya gəlib.
Ailədə üç övlad, iki qardaş, bir bacı olublar.
Atalarını illər öncə-2013-cü ildə itiriblər.
Anaları Simuzər xanım o vaxtdan onlara həm analıq, həm də atalıq edib.
Tək bacıları hazırda ailəlidir.
Elməddin orta məktəbi bitirdikdən bir müddət sonra Əsgərliyə yollanıb.
Əsgərlikdən qayıtdıqdan bir müddət sonra isə yenidən həyatını Ordu, hərb ilə bağlayıb, Azərbaycan Ordusunda MAXE kimi fəaliyyət göstərib.
Atasının vəfatından sonra ailənin yeganə qazanc gətirəni Elməddin olub.
O, İkinci Vətən Müharibəsində MAXE kimi iştirak edib.
Müharibənin ilk günlərində (məlumatlara görə oktyabrın 2-də) isə Murovdağ istiqamətində qəhrəmancasına Şəhidlik məqamına ucalıb.
Ancaq nəşi təxminən 9 aydan sonra əldə edilib və 2021-ci ilin 27 iyun tarixində dəfn edilib.
Şəhidliyindən sonra medallarla təltif olunub.
O, həm də subay olub.
08:12
***
Anın Günü ilə bağlı bu gün səhər saatlarında Şəhidin məzarı ziyarət olunub.
Məzarı üzərinə gül dəstələri düzülüb, ruhuna dualar olunub, “Quran” oxunub.
Qısa çıxışlar edilib.
Ailəsinə-anası Simuzər xanıma Allahdan səbr və dözüm arzulanıb.
Anası Simuzər xanımın göz yaşları içində dediklərindən:
“Bala, gör nə qədər qonaqların gəlib…Dur, onları özün qarşıla…Sən qonaq sevən idin…Hər gün Sənin yolunu gözləyirəm…Hər gün deyirəm ki, Elməddinim bu dəqiqə gələr, bu saat gələr…Gəl çıx bala…Yolunu gözləməkdən yoruldum…Səndən ötrü çox darıxıram bala, çox…Niyə ananı, bizləri gözləri yaşlı qoyub getdin?…Hamımızın Sənə ehtiyacı var, bala…”
Məzarını ziyarətdən sonra ailəsinin yaşadığı evdə-ata ocağında adına ehsan süfrəsi açılıb.
Bir daha ruhuna dualar oxunub.
Məzarını ziyarətdə və adına açılan ehsan süfrəsində Şəhidin ailə üzvləri, doğmaları, kənd sakinləri, Bərdəli Şəhid ailələri, Qazilər, Goranboy rayon İcra Hakimiyyətinin məsul şəxsləri və digərləri iştirak ediblər.
Məkanı cənnətlik olsun!
Nur içində yatsın!
14:30
***
FOTOLAR:
14:55
***
Kamil HƏMZƏOĞLU
Etikxeber.az
