Nardaranda növbəti əməliyyat-axtarış tədbiri keçirilib – DİN – FOTOLAR

Ayrı-ayrı vətəndaşlar tərəfindən əllərdə qanunsuz saxlanılan odlu silah, partlayıcı maddə və qurğuların aşkar edilərək yığılması məqsədilə daxili işlər orqanları tərəfindən Sabunçu rayonunun Nardaran qəsəbəsində növbəti əməliyyat-axtarış tədbiri keçirilib.

Etikxeber.az Daxili İşlər Nazirliyinin mətbuat xidmətinə istinadən xəbər verir ki,  Sabunçu Rayon Polis İdarəsinin 42-ci polis bölməsi əməkdaşlarının keçirdikləri əməliyyat-axtarış tədbiri nəticəsində əvvəllər məhkum edilmiş Nardaran qəsəbə sakini Orxan Qasımov şübhəli şəxs qismində saxlanılıb.

Bölmədə hal şahidlərinin iştirakı ilə onun üzərinə baxış keçirilən zaman ümumi çəkisi 0,81 qram heroin aşkar edilərək götürülüb. O.Qasımovun ətrafında əlavə olaraq, keçirilən əməliyyat-axtarış tədbirləri nəticəsində onun Nardaran qəsəbəsinin Abşeron küçəsində hasarın dibində gizlətdiyi 23 ədəd qumbara alışqanı, “Makarov” tipli tapançaya məxsus 3 güllə, 2 qumbara zapalı, 2 bıçaq, 16 alışdırıcı və 8 fitil aşkar edilərək götürülüb.

Faktlarla bağlı Sabunçu Rayon Polis İdarəsinin İstintaq Şöbəsində cinayət işi başlanıb, araşdırmalar davam etdirilir.

Daxili İşlər Nazirliyi bir daha vətəndaşlara müraciət edərək bildirir ki, əllərdə saxlanılan qanunsuz odlu silah-sursat, partlayıcı maddə və qurğular könüllü olaraq hüquq-mühafizə orqanlarına təhvil verilməlidir. Könüllü olaraq, polisə təqdim edilən qanunsuz silah-sursata görə, vətəndaş məsuliyyətə cəlb edilmir. Belə hallar polisin keçirdiyi əməliyyat-axtarış tədbirləri nəticəsində aşkar edildikdə isə qanunsuz odlu silah-sursat saxlayan şəxs Cinayət Məcəlləsinin müvafiq maddələri ilə məsuliyyətə cəlb ediləcək.

nardaran-1nardaran-2

Etikxeber.az

Read Previous

İcra başçısının qardaşı oğlu dələduzluqda ittiham olunur

Read Next

25 yaşlı oğlanı güllələyən şəxslər həbs olunub

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir