Nazir: Əməkdaşlığın konstruktiv dialoq və anlaşma şəraitində genişləndirilməsi üçün səylər artırılmalıdır

Azərbaycanın xarici işlər naziri Elmar Məmmədyarov Avropa Şurası Parlament Assambleyasının (AŞPA) Avropa Mühafizəkarları Qrupunun sədri Yan Liddel-Qrenqerin rəhbərlik etdiyi nümayəndə heyəti ilə görüşüb.

Xarici İşlər Nazirliyinin mətbuat xidmətindən Etikxeber.az-a bildiriblər ki, görüşdə Avropa Şurası Parlament Assambleyası ilə Azərbaycan arasında əməkdaşlığın inkişaf perspektivlərinə dair fikir mübadiləsi aparılıb.

Elmar Məmmədyarov Azərbaycanın Avropa Şurası Parlament Assambleyası ilə uğurla əməkdaşlıq etdiyini bildirib, əlaqələrin bundan sonra da konstruktiv dialoq və anlaşma şəraitində genişləndirilməsi üçün səylərin artırılacağına əminliyini ifadə edib.

Ermənistan-Azərbaycan münaqişəsinin həlli istiqamətində aparılan danışıqlar prosesi haqqında məlumat verən nazir güc tətbiqi yolu ilə dövlətlərin beynəlxalq səviyyədə tanınmış sərhədlərinin pozulmasının qəbuledilməz olduğunu vurğulayıb.

Azərbaycana səfər etməsindən məmnunluq ifadə edən Yan Liddel-Qrenqer ölkəmizin AŞPA ilə uğurlu əməkdaşlığını yüksək qiymətləndirib. Səfər çərçivəsində Azərbaycan Respublikası Milli Məclisində də görüşlər keçirildiyini və faydalı müzakirələr aparıldığını vurğulayan Yan Liddel-Qrenqer Azərbaycan nümayəndə heyətinin AŞPA-dakı uğurlu fəaliyyətini qeyd edib.

Görüşdə qarşılıqlı maraq doğuran məsələlər ətrafında fikir mübadiləsi aparılıb.

Etikxeber.az

Read Previous

“Gənc Tamaşaçılar”-da “Leyli və Məcnun” tamaşasının premyerası keçiriləcək

Read Next

Azərbaycan neftinin qiyməti cüzi bahalaşıb

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir