Nazir müavin və Xidmət rəisi barədə-HƏBS QƏTİMKAN TƏDBİRİ SEÇİLİDİ, ONLARA VERİLƏN İTTİHAMLAR MƏLUM OLDU – YENİLƏNİB

Bu gün Səbail rayon Məhkəməsində Mədəniyyət nazirinin sabiq müavini Rafiq Bayramov və nazirliyin tabeliyində olan Mədəni İrsin Qorunması, İnkişafı və Bərpası üzrə Dövlət Xidmətinin sabiq rəisi Zakir Sultanovun barəsində istintaq orqanın verdiyi təqdimata baxılıb.

Etikxeber.az-ın məlumatına görə, hakim Şahin Abdullayevin sədrliyi ilə keçirilən prosesdə təqdimat təmin olunub.

Həmçinin, Mədəniyyət nazirinin sabiq müavini Rafiq Bayramov məhkəməyə gətirilib.

Onunla da bağlı təqdimata hakim Ş. Abdullayev baxıb və təqdimat təmin olunub.

Yəni, Səbail rayon Məhkəməsi tərəfindən hər iki şəxs barəsində 4 ay həbs qətimkan tədbiri seçilib. 

Qeyd edək ki, hər iki şəxs Dövlət Təhlükəsizliyi Xidmətinin (DTX) əməkdaşları tərəfindən Mədəniyyət Nazirliyində keçirilən xüsusi əməliyyat zamanı saxlanılıblar.

Prezident İlham Əliyevin mayın 9-da imzaladığı sərəncamla Rafiq Bayramov və Zakir Sultanov vəzifələrindən azad edilib.

***

Səbail rayon Məhkəməsində Mədəniyyət nazirinin sabiq müavini R. Bayramov, nazirliyin tabeliyində olan Mədəni İrsin Qorunması, İnkişafı və Bərpası üzrə Dövlət Xidmətinin sabiq rəisi Z. Sultanovun verilən ittihamlar məlum olub.

Hər iki şəxs Cinayət Məcəlləsinin 308-ci (vəzifə səlahiyyətlərini aşma) və 179-cu (mənimsəmə) maddələri ilə ittiham olunur.

Etikxeber.az