“Neft hasilatının 558 min barrel azaldılması razılığına gəlindi” – NATİQ ƏLİYEV

Azərbaycan Respublikasının energetika naziri Natiq ƏliyevVyanada Neft İxrac Edən Ölkələrin Təşkilatına (OPEC) üzv və  kartelə daxil olmayan ölkələrin görüşünün yekunları ilə bağlı Energetika Nazirliyinin mətbuat xidmətinə açıqlama verib.

Nazirliyin mətbuat xidmətindən Etikxeber.az-a verilən xəbərə görə, N. Əliyev iclasın müsbət keçdiyini, OPEC və qeyri-OPEC ölkələri arasında əməkdaşlıq haqqında Bəyannaməni razılaşdırdıqlarını bildirib.  Onun sözlərinə görə, görüşdə OPEC ölkələri  gündəlik neft hasilatını 32,5 mln. barrel həcmində saxlamaqla bağlı öhdəliklərini bir daha təsdiqləyərək,  bu həcmdən artıq neft istehsal etməyəcəklərini bəyan ediblər.

“Görüşdə  OPEC-ə üzv olmayan 11 ölkə iştirak edib. Bu ölkələrin 2017-ci il yanvarın 1-dən gündəlik neft hasilatını 558 min barrel azaltmaları barədə razılıq əldə olunub. Razılaşmaya əsasən, Azərbaycan üçün bu göstərici sutkada 35 min barrel müəyyənləşdirilib. Rusiya isə hasilatı gündəlik 300 min barrel azaltmağa razılaşıb” – deyə, nazir qeyd edib.

N. Əliyev bildirib ki, qəbul edilən qərarın icrasına nəzarət məqsədilə Rusiya və Küveytin rəhbərliyi ilə Monitorinq Komitəsinin yaradılması məqsədəuyğun hesab edilib: “OPEC və təşkilata daxil olmayan ölkələr razılığa gəliblər ki, neft bazarında qiymətlərin sabitliyinin uzunmüddətli olması üçün mütəmadi görüşlər keçirilsin. Eyni zamanda tədbirdə iştirak etməyən digər qeyri-OPEC ölkələri də bu sazişə qoşulmağa dəvət edilib”.

Etikxeber.az 

Read Previous

Stokholmda Nobel mükafatı laureatlarının təltifolunma mərasimi keçirildi – FOTO

Read Next

“Xüsusilə uşaqları bu xəstəliklərdən qorumalıyıq…” – Baş epidemioloq

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir