“Ordu bizim dövlətçiliyimizin, təhlükəsizliyin və sabitliyin dayağıdır” – MEHRİBAN ƏLİYEVA AZƏRBAYCAN XALQINI TƏBRİK ETDİ

Birinci vitse-prezident Mehriban Əliyeva Silahlı Qüvvələr Günü münasibətilə Azərbaycan xalqını təbrik edib.

Etikxeber.az xəbər verir ki, Birinci vitse-prezident Mehriban Əliyevanın rəsmi “İnstaqram” səhifəsində edilən paylaşımda deyilir:

“Əziz həmvətənlər!

Əziz hərbi qulluqçular və veteranlar!

Bu gün biz Azərbaycan Silahlı Qüvvələri Gününü qeyd edirik. Bu, hərbi rəşadət, şərəf və igidlik bayramıdır. Bu gün biz həyatını riskə məruz qoyaraq Vətənimizi müdafiə edənlərin qəhrəmanlığına ehtiramımızı bildiririk.

Silahlı Qüvvələr Günü əsl ümumxalq bayramıdır. Ordu bizim dövlətçiliyimizin, təhlükəsizliyin və sabitliyin dayağıdır. Dövlətin hərbi qüdrəti bir çox amillərlə şərtlənir. Lakin bizim ordumuzun əsas gücü Azərbaycanın əsgər və zabitlərinin döyüş ruhu və Vətənə hədsiz sevgisidir.

Əziz hərbçilərimiz! Biz sizin mərdliyiniz, şücaətiniz və ən yüksək peşəkarlığınızla fəxr edirik. Bu əlamətdar bayram münasibətilə sizi ürəkdən təbrik edirəm”.

Etikxeber.az

 

Read Previous

“Ordumuz Ali Baş Komandanın istənilən tapşırığını yerinə yetirmək qüdrətindədir” – DEPUTAT

Read Next

“Ruhi xəstəliyi”, “psixi qüsuru” olanlar məhdudiyyətlərə məruz qalır” – DEPUTAT HƏYƏCAN TƏBİLİ ÇALDI

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir