“Oturduğumuz Xatirə Otağında şəhid oğullarımızın divarlara həkk olan şəkilləri sanki dil açıb danışırdı…Sanki hər biri bizə özünün keçdiyi qısa, amma əsrlərə bərabər şərəfli ömür yolunu anladırdı…”-JALƏ ƏLİYEVA – DEPUTATLIĞA NAMİZƏD ŞƏHİD AİLƏLƏRİ İLƏ BİR ARADA – FOTOLAR

44 günlük Zəfər savaşımızda torpaqlarımızın bütünlüyü uğrunda canından keçən Zərdablı qəhrəman oğullarımızın valideynləri, övladları, yaxınları ilə dünən şəhid Ağaqardaş Abbasovun ata ocağında görüş keçirtdik.

Bunu Etikxeber.az-a filologiya elmləri doktoru, professor, 95 saylı Zərdab-Kürdəmir-Ucar Seçki Dairəsindən deputatlığıa namizəd Jalə Əliyeva qeyd edib.

O, sonra “Ötən illər ərzində növbəti dəfə kədərlərinə şərik olduq, növbəti dəfə qürurlarına şahid olduq. Oturduğumuz Xatirə Otağında şəhid oğullarımızın divarlara həkk olan şəkilləri sanki dil açıb danışırdı. Sanki hər biri bizə özünün keçdiyi qısa, amma əsrlərə bərabər şərəfli ömür yolunu anladırdı…Əyilməzliyiniz, dəyanətiniz, vüqarınız qarşısında bir daha baş əyirik! Allah bütün şəhidlərimizə rəhmət etsin! Amin!”-deyə, sözlərinə əlavə edib.

Etikxeber.az