Özbaşınalığa görə tətbiq edilən cərimənin miqdarı artırılır?!

Özbaşınalığa görə tətbiq edilən cərimənin miqdarı artırılır.

Etikxeber.az-ın məlumatına görə, bu, martın 30-da  Milli Məclisin (MM) Hüquq siyasəti və dövlət quruculuğu komitəsində müzakirə edilərək, plenar iclasa tövsiyə edilən Cinayət Məcəlləsinə dəyişikliklərlə bağlı qanun layihəsində əksini tapıb.

Cinayət Məcəlləsinə əsasən, hazırda özbaşınalıq, yəni qanunla və ya digər normativ hüquqi aktla müəyyən edilmiş davranış qaydasına zidd olaraq qanuniliyi vətəndaş və ya təşkilat tərəfindən təkzib edilən hər hansı hərəkətin özbaşına törədilməsi mühüm ziyan vurduqda 500 manatadək miqdarda cərimə və ya üç yüz altmış saatdan dörd yüz səksən saatadək ictimai işlər və ya bir ilədək müddətə islah işləri və ya altı ayadək müddətə azadlıqdan məhrum etmə ilə cəzalandırılır. Layihədə bu halda 1000 manatdan 2 min manatadək miqdarda cərimə və ya üç yüz altmış saatdan dörd yüz səksən saatadək ictimai işlər və ya bir ilədək müddətə islah işləri və ya altı ayadək müddətə azadlıqdan məhrum etmə ilə cəzalandırma təklif edilir.

Qüvvədə olan qanuna əsasən, eyni əməllər zor tətbiq etməklə və ya zor tətbiq etmə hədəsi ilə törədildikdə 1000 manatdan 3 min manatadək miqdarda cərimə və ya bir ildən iki ilədək müddətə islah işləri və ya iki ilədək müddətə azadlıqdan məhrum etmə ilə cəzalandırılır. Layihədə bu halda 3 manatdan 6 min manatadək miqdarda cərimə və ya bir ildən iki ilədək müddətə islah işləri və ya iki ilədək müddətə azadlıqdan məhrum etmə ilə cəzalandırma təklif olunur.

Etikxeber.az

Read Previous

“Bank rəhbərlərindən xahiş etmişəm, amma…” – DEPUTATDAN SƏRT SÖZLƏR – YENİLƏNİB (4)

Read Next

Mərkəzi Bank kredit təşkilatlarına məqsədli kreditlərin verilişini dayandıra bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir