Pan Gi Munu o əvəzləyə bilər – Antoniu Quterriş

Bu gün Nyu-Yorkda yerli vaxtla səhər saat 10:00-da (Bakı vaxtilə 18:00-da) Birləşmiş Millətlər Təşkilatının yeni baş katibinin namizədliyi təsdiq olunacaq. BMT-nin Baş katibi postuna Portuqaliyanın keçmiş Baş naziri Antoniu Quterriş iddia edir. Qaydalara görə, yeni baş katib Təhlükəsizlik Şurası üzvlərinin əksəriyyətinin səsini qazanmalı və veto hüququna malik 5 ölkədən “əleyhinə” səs almamalıdır.

Etikxeber.az Rusiyanın NTV telekanalına istinadla xəbər verir ki, oktyabrın 5-də səsvermənin 6-cı raundunda Təhlükəsizlik Şurasının 15 üzvündən 13-ü Antoniu Quterrişin namizədliyinə səs verib, 2-si isə bitərəf qalıb. Həmçinin o, əleyhinə bir səs belə verilməyən yeganə namizəddir.

Bundan sonra Təhlükəsizlik Şurası müvafiq qətnamə qəbul edərək Quterrişin namizədliyini BMT Baş Assanbleyasının müzakirəsinə göndərəcək. Assanbleyanın 193 üzvünün isə portuqaliyalını yeni baş katib postuna problemsiz olaraq təsdiqləyəcəyi gözlənilir.

67 yaşlı Antoniu Quterriş Portuqaliya Sosialist Partiyasının Baş katibi olub, sonradan ölkə parlamentinə başçılıq edib və 10 il BMT-nin qaçqınlar üzrə komitəsinin ali komissarı postunu tutub.

Quterriş ikinci beş illik müddətini başa vuran koreyalı diplomat Pan Gi Munu əvəz edərək BMT-nin 9-cu baş katibi olacaq və 2017-ci il yanvarın 1-dən etibarən vəzifəsinin icrasına başlayacaq.

Etikxeber.az

 

Read Previous

Yeni Zelandiya-Azərbaycan parlamentlərarası dostluq qrupu təsis edilib

Read Next

Paşayevadan sərt təpki: “İnsan da baldızına bu cür yanaşa bilərmi?”

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir