Parlament seçkilərinin ikinci turu başa çatdı – YENİLƏNİB

Gürcüstan parlamentinə seçkilərin ikinci turu keçirilir.

Etikxeber.az xəbər verir ki, ikinci tur 50 majoritar dairədə təşkil olunub. Səsvermə ilə əlaqədar 2229 seçki məntəqəsi yaradılıb. Bu məntəqələrdə 2 milyon 478 min 42 seçici səs verir.

Seçki məntəqələri səhər saat 8:00-da açılıb. Səsvermə saat 20:00-da başa çatacaq.

Dairələrdə 100 namizədin mübarizə aparacağı gözlənilir.

Seçkilərin ikinci turunu 7 xarici ölkədən 582 jurnalist, 10 beynəlxalq təşkilatdan 221 müşahidəçi izləyir. Yerli müşahidəçilərin sayı isə 12 min 122 nəfərdir.

Gürcüstan Mərkəzi Seçki Komissiyası bəyan edib ki, səsvermənin ilkin nəticələri barədə məlumatlar səsvermə başa çatandan iki saat sonra veriləcək.

İkinci turda namizədlər adi səs çoxluğu ilə qalib hesab ediləcəklər.

Səsvermənin ikinci turu azərbaycanlıların yığcam yaşadıqları Marneuli rayonundakı 36 saylı dairədə də keçirilir. Bu dairədə azərbaycanlı, “Vahid milli hərəkat” partiyasının namizədi Əhməd İmamquliyev mübarizə aparır. Onun rəqibi “Gürcü arzusu” partiyasının namizədi Tamaz Naverianidir.

Gürcüstan parlamenti deputatlarının 77-si proporsional sistem, 73–ü isə majoritar qaydada seçilir. Oktyabrın 6-da keçirilmiş birinci turda proporsional sistem üzrə 77 deputat seçilsə də, majoritar dairələrin 50-də namizədlərin heç biri səslərin 50+1 faizini toplaya bilməmişdi. Ona görə də həmin 50 dairədə seçkilərin ikinci turu keçirilir.

***

Seçkilərin ikinci turu başa çatıb.

Gürcüstan Mərkəzi Seçki Komissiyasının məlumatına görə, səsvermə sakit şəraitdə keçib və ciddi qanun pozuntusu qeydə alınmayıb.

İkinci turda 100 namizəd deputat mandatı uğrunda mübarizə aparıb.

Artıq səslərin hesablanmasına başlanılıb və səsvermənin ilkin nəticələri bir neçə saatdan sonra məlum olacaq.

Qeyd edək ki, ikinci turda azərbaycanlıların yığcam yaşadıqları Marneuli rayonunda yaradılmış 36 saylı dairədə həmyerlimiz Əhməd İmamquliyev də mübarizə aparıb.

Etikxeber.az

Read Previous

“Bağ” adlı sərgi açılacaq

Read Next

Ərdoğana daha bir səlahiyyət verildi – Birbaşa rektor təyin etmək

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir