Paşinyanın istefasının tələb olunacağı bəlli idi – BAHAR MURADOVA

Milli Məclisin (MM) sədr müavini  Bahar Muradova Ermənistanda baş verən son proseslərlə bağlı açıqlama verib.

Etikxeber.az  xəbər verir ki, B. Muradovanın qeyd etdiyinə görə Ermənistanın baş naziri Nikol Paşinyanın istefasının tələb olunacağı öncədən də bəlli idi:

bahar-budce

pasinyannnnnn

“Paşinyanın baş nazir seçilməsi prosesini yada salsaq, söyləmək lazımdır ki, nə bugünkü parlamentin, nə də hökumət orqanlarının, nə də Ermənistanda hakimiyyətdə olan siyasi qüvvələrin marağında idi. Onun baş nazir seçilməsi problemləri aradan qaldırmayıb, əksinə daha da dərinləşdirib. Bu da özünü ölkə daxilində gedən proseslərdə özünü qabarıq şəkildə göstərir. Siyasətdə səriştə, vərdiş, diplomatik gedişlərə malik olmaq siyasətçi üçün vacib məsələdir. Paşinyanın bu imkanları aşağı səviyyədədir. Odur ki,əks qüvvələrin  revanş götürmək istəkləri olacaq. Ermənistanda narazı siyasi qüvvələr ölkədəki durumu gərginləşdirməklə əvvəlki imkanlarını geri qaytarmaq niyyətindədirlər, onlar bu mübarizədə imkanlarını Paşinyana qurban vermək niyyətində deyillər. Bu münasibətlər gərginləşməyə doğru gedəcək. Biz Ermənistan tərəfində Dağlıq Qarabağ probleminin həlli üçün adekvat təmsilçi görmək niyyətindəyik. Hansı siyasi qüvvənin hakimiyyətdə olması onların daxili işidir, amma kimin olmasından asılı olmayaraq Dağlıq Qarabağ məsələsində adekvat danışıq tərəfi kimi normal siyasətçi ilə üz-üzə olmaq istəyirik”.

Kamil HƏMZƏOĞLU

Etikxeber.az

Read Previous

İraqda olan azərbaycanlıların ölkəyə qaytarılması asan olmayan məsələdir – MM SƏDRİNİN MÜAVİNİ

Read Next

Prezident Çexiya səfirinin etimadnaməsini qəbul etdi – FOTOLAR – YENİLƏNİB

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir