“Polis pisdir, hakim pisdir, deputat pisdir, bəs sən özün yaxşısanmı?”-DEPUTAT

Problem varsa, ucuz şou bundan çıxış yolu deyil. Polis pisdir, hakim pisdir, deputat pisdir, bəs sən özün yaxşısanmı?

Etikxeber.az məlumat verir ki, bunu deputat Bəhruz Məhərrəmov Milli Məclisin (MM) bugünkü iclasında çıxışı zamanı deyib.

Millət vəkili hesab edir ki, hazırda ucuz şəbəkə fenomenləri qapı-qapı düşüb həssas təbəqədən olan insanlar axtarırlar.

“Başa düşürük problemlər var, ancaq onların həlli yolları da var axı. Bu halda bilərəkdən ictimai nifrət yaratmaq təxribatdır. Belə olan halda vətəndaşlar ayıq-sayıq olmalıdır. Çünki problemi ucuz şəbəkə fenomenləri deyil, dövlət həll edir”-deyə, millət vəkili sözlərinə əlavə edib.

Kamil HƏMZƏOĞLU

Etikxeber.az