“Qarabağ”–“Çelsi” matçını portuqaliyalı hakimlər briqadası idarə edəcək

Futbol üzrə UEFA Çempionlar Liqasının “C” qrupunda yer alan Ağdamın “Qarabağ” komandasının V turun oyunları çərçivəsində İngiltərənin “Çelsi” klubu ilə keçiriləcək oyunu portuqaliyalı hakimlər briqadası idarə edəcək.

Etikxeber.az UEFA-nın saytına istinadla xəbər verir ki, noyabrın 22-də Bakı Olimpiya Stadionunda oynanılacaq görüşün baş hakimi Manuel De Souza olacaq. Ona həmyerliləri – yan xətt hakimləri Alvaro Meskquita və Rikardo Santos kömək edəcəklər.

Dördüncü hakim funksiyasını Nuno Pereyra yerinə yetirəcək. Əlavə hakimlər Fabio Verissimo və Luis Migel Branko Qodinyo olacaq.

Bu qrupun digər oyununda “Atletiko Madrid” klubu “Roma”nı qəbul edəcək.

Etikxeber.az

Read Previous

FIFA prezidenti: “Azərbaycan, sözün əsl mənasında, futbol ölkəsidir”

Read Next

Parlamentdə üçgünlük büdcə müzakirələri başlandı… – YENİLƏNİB (4)

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir