Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
“Baltik Assambleyası GUAM-a üzv ölkələrin ərazi bütövlüyünü dəstəkləyir”.
Etikxeber.az-ın məlumatına görə, bunu Baltik Assambleyasının rəhbəri Aadu Must Tbilisidə keçirilən GUAM Parlament Assambleyasının (PA) 10-cu illik sessiyasında deyib.
O, bildirib ki, Gürcüstan, Ukrayna, Azərbaycan və Moldovada mövcud münaqişələr iqtisadi inkişafa tam nail olmağa imkan vermir: “Baltik Assambleyası GUAM ərazisində mövcud münaqişələrin sülh yolu ilə beynəxalq normalar çərçivəsində həllinin tərəfdarıdır”.
A. Must Baltik Assambleyasının GUAM PA ilə əməkdaşlığı daha da gücləndirməyə hazır olduğunu əlavə edib.
Sonra çıxış edən Benilüks Parlament Assambleyasının prezidenti Andre Postema da GUAM PA ilə əməkdaşlığa böyük önəm verildiyini deyib.
“Dağlıq Qarabağ münaqişəsinin beynəxlalq hüquq çərçivəsində ədalətli və tezliklə həlli GUAM-da mövcud digər münaqişələrin də aradan qaldırılmasına yol açacaq”.
Bu barədə Milli Məclisin GUAM PA-dakı nümayəndə heyətinin üzvü Əli Məsimli çıxışında deyib. O bildirib ki, 2016-cı aprelində təmas xəttində baş vermiş döyüşlər göstərdi ki, Ermənistana xaricdən dəstək olmasa, Azərbaycan işğal altındakı torpaqlarını bir neçə günə azad edə bilər: “Dağlıq Qarabağ münaqişəsinin həlli istiqamətində beynəlxalq təşkilatların fəaliyyəti qənaətbəxş deyil. ATƏT-in Minsk qrupu fəliyyətini daha da gücləndirməlidir”. Ə. Məsimlinin sözlərinə görə, GUAM ölkələrinin əsas problemi ərazi bütövlüyü ilə bağlıdır: “GUAM ölkələri üçün beynəxlalq dəstək çox vacibdir. Ona görə də ərazi bütövlüyünün bərpası üçün beynəlxalq aləm tərəfindən yeni effektiv mexanizmlər tətbiq olunmalıdır”. Regionda həyata keçirilən genişmiqyaslı iqtisadi layihələrə toxunan Ə.Məsimli qeyd edib ki, Bakı-Tbilisi-Qars dəmir yolu regionun iqtisadi inkişafına böyük təkan verəcək: “Bu layihədən Ermənistan da faydalana bilərdi. Lakin təəssüf ki, Ermənistan Qarabağ tələsinə düşüb və siyasi oyunların obyektinə çevrilib”.
Etikxeber.az
