“Qarabağ” UEFA Çempionlar Liqasının üçüncü təsnifat-MƏRHƏLƏSİNDƏ VƏ RƏQİBİ MƏLUM OLDU – YENİLƏNİB

Ağdamın “Qarabağ” futbol klubu UEFA Çempionlar Liqasının üçüncü təsnifat mərhələsinə yüksəlib.

Etikxeber.az xəbər verir ki, Ağdam təmsilçisi turnirin ikinci təsnifat mərhələsinin cavab oyunları çərçivəsində İsveçrədə “Sürix” komandasının qonağı olub.

“Letsiqrund” stadionunda oynanılan görüş 2:1 hesabı ilə İsveçrə çempionunun xeyrinə başa çatıb.

Komandalar arasında Bakıda keçirilən ilk qarşılaşma “Qarabağ”ın 3:2 hesablı qələbəsi ilə yekunlaşıb. İki oyunun nəticəsinə görə, qalibi müəyyən etmək üçün matçda əlavə vaxt oynanılıb. Əlavə vaxtda “Qarabağ”ın oyunçusu Ovusu Kvabenanın vurduğu qol matçın nəticəsini müəyyənləşdirib -2:2.

Beləliklə, iki oyunun nəticəsinə görə, “Qarabağ” növbəti mərhələyə yüksəlib.

Qeyd edək ki, Ağdam təmsilçisi üçüncü təsnifat mərhələsində “Slovan” (Bratislava, Slovakiya) – “Ferentsvaroş” (Macarıstan) cütünün güclüsü ilə üz-üzə gələcək.

23:52, 27 iyul

***

“Qarabağ”ın Çempionlar Liqasının III təsnifat mərhələsindəki rəqibi dəqiqləşib.

Azərbaycan çempionu “Ferensvaroş”la görüşəcək.

Təmsilçimizin rəqibi Slovakiyada bəlli olub.

Macarıstanda “Ferensvaroş”a 2:1 hesabı ilə qalib gələn “Slovan” ev sınağına çıxıb. 4:1 hesabı ilə qalib gələn qonaqlar III təsnifat mərhələsinə yüksəlib.

Mərhələnin görüşləri avqustun 2-3-də və 9-da baş tutacaq.

Ağdamlılar ilk oyunu səfərdə keçirəcək.

Etikxeber.az