“Qardaşlıq və əməkdaşlığımızın regionumuzda sülh, sabitlik və rifahın ən böyük təminatı olduğuna inamım qətidir”-ƏRDOĞAN ƏLİYEVİ TƏBRİK ETDİ

Türkiyə Respublikasının Prezidenti Rəcəb Tayyib Ərdoğan Azərbaycan Respublikasının Prezidenti İlham Əliyevə təbrik məktubu ünvanlayıb.

Etikxeber.az xəbər verir ki, təbrikdə deyilir:

“Cənab Prezident, Əziz Qardaşım.

Can Azərbaycanın Respublika Günü münasibətilə xalqım adından və şəxsən öz adımdan Zati-alinizi və bütün Azərbaycan xalqını səmimi qəlbdən təbrik edirəm.

Qardaş Azərbaycan bu il Respublika Gününü Vətən müharibəsində qazandığı haqlı zəfərinin qüruru ilə taclandırıb. Türkiyə də “kədərini öz kədəri” hesab etdiyi Azərbaycanın bu xoşbəxtliyini böyük sevinc hissi ilə bölüşür.

Mükəmməl səviyyədə olan strateji əlaqələrimizi “Bir millət, iki dövlət” ruhu ilə daha da möhkəmləndirmək istiqamətindəki qarşılıqlı iradəmizdən böyük məmnuniyyət duyuram. Qardaşlıq və əməkdaşlığımızın regionumuzda sülh, sabitlik və rifahın ən böyük təminatı olduğuna inamım qətidir.

Fürsətdən istifadə edərək Zati-alinizə cansağlığı və xoşbəxtlik arzulayır, dost və qardaş Azərbaycan xalqına gözəl gələcək və rifahının daimi olması üçün ən xoş diləklərimi bir daha ifadə edirəm”.

Etikxeber.az

Read Previous

“Bəzən rəsmi statistik hesabatlarda əsaslı uygunsuzluqlar var…”-ZAHİD ORUCDAN NÖVBƏTİ İRAD

Read Next

“Manaf həm oxuyur, həm işləyirdi, işləməkdən də gözləri qıpqırmızı qızarardı…”-EVİN TƏK OĞLU, ATASINI VAXTSIZ İTİRƏN, ŞƏHİDLİYİNDƏN 8 AY KEÇƏN MANAF BƏHMƏNLİNİN ANASI SURAY BƏHMƏNOVA – FOTOLAR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir