Qobuda qətl – Həyətində yerlisi tərəfindən güllələndi

Abşeron rayonunun Qobu qəsəbəsində qətl törədilib.

Etikxeber.az-ın əməkdaşının yerli sakinlərdən əldə etdiyi xəbərə görə, Qobu qəsəbəsində qəsəbə sakini, 1975-ci il təvəllüdlü Rövşən Rafiq oğlu Abbasov gecəyə yaxın öz evinin həyətində odlu silahla qətlə yetirilib. Keçirilən əməliyyat tədbirləri nəticəsində hadisəni qəsəbə sakini, 1991-ci il təvəllüdlü Tural Zakir oğlu Əlizadənin törətdiyi müəyyənləşib. Şübhəli şəxs qismində saxlanılan T. Əlizadədən hadisə zamanı istifadə etdiyi “Vinçester” markalı silah götürülüb.

Qətli şəxsi münaqişə zəminində törədildiyi bildirilir. Faktla bağlı cinayət içi başlanıb, araşdırma aparılır.

Qeyd olunur ki, öldürülən şəxs-R.Abbasov Qobudakı “Qobu” adlı marketin sahibi olmaqla yanaşı, həm də torpaq alveri ilə məşğul olub. Mərhumun 3 övladı var.

O da qeyd olunur ki,  əslində R.Abbasovla onun qətlində günahkar bilinən T. Əlizadənin atası Zakir Əlizadənin yaxşı münasibətləri olub.

Etikxeber.az

Read Previous

Neftin qiyməti 53 dollara yaxınlaşır

Read Next

Ermənilər atəşkəs rejimini ümumilikdə 22 dəfə pozub

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir