Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Quba rayonunda Azərbaycan Respublikasının Gənclər Fondunun maliyyə dəstəyi, Gənclərin İnkişaf və Karyera Mərkəzinin Quba nümayəndəliyi, Quba rayon Gənclər və İdman İdarəsinin təşkilatçılığı ilə futbol turniri keçirilib.
Etikxeber.az-a daxil olan məlumata görə, Gənclər Fondunun “İdeyanı reallaşdır 2022” fərdi qrant müsabiqəsində qalib olmuş “Sağlam Gənclik, Sağlam Gələcək!” adlı layihə çərçivəsində keçirilən yarışın açılış mərasimində çıxış edən layihə rəhbəri Nurlan Əliyev bildirib ki, əsas məqsəd regionda yaşayan gənclərin idmama marağının artırılması, onlar arasında sağlam həyat tərzinin təbliğinə dəstək verməkdir.
Rəsmi hissə başa çatdıqdan sonra Quba şəhərində, eləcə də rayonun müxtəlif kəndlərində yaşayan gənclərdən ibarət komandaların iştirakı ilə turnirə start verilib.
Yekunda Alekseyevka kəndini təmsil edən komanda turnirin qalibi adını qazanıb. Bağbanlı kəndindən olan gənclərin birləşdiyi komanda ikinci, Şahdağ komandası isə üçüncü mükafata sahib olub.
Mükafatlandırma mərasimində qaliblər layihə çərçivəsində hazırlanmış kubok, medal, diplom və bukletlərlə təltif olunublar.
Qeyd edək ki, layihə çərçivəsində Qubada yaşayan gənclərin iştirakı ilə voleybol və stolüstü tennis yarışları da keçiriləcək.
Etikxeber.az
