Qurbanlı Şimal bölgəsinə niyə gedir?

Azərbaycan Respublikasının Prezidenti İlham Əliyevin tapşırıq və tövsiyələrinə uyğun olaraq, mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu davam edir.

Dini Qurumlarla İş üzrə Dövlət Komitəsinin sədri Mübariz Qurbanlı avqustun 28-də Xaçmaz şəhərində Quba, Qusar, Xaçmaz, Şabran və Siyəzən rayonlarının sakinlərini qəbul edəcək.

Qəbul Xaçmaz rayon Tarix-Diyarşünaslıq muzeyində saat 11:00-da keçiriləcək.

Bu barədə Etikxeber.az-a Dövlət Komitəsinin mətbuat xidmətindən məlumat verilib.

Qəbula gəlmək istəyən vətəndaşlardan Dövlət Komitəsinin Quba bölgəsi üzrə şöbəsinə müraciət etmələri xahiş olunur.

Etikxeber.az