“Rafael Cəbrayılova görə heç bir məsuliyyət daşımırdıq…” – AYDIN MİRZƏZADƏ

Aydın MİRZƏZADƏ: “Mən özüm sosial şəbəkədəyəm və orada hər cür insan, sosial şəbəkə istifadəçiləri var. Onlarla yeri gələndə müzakirələr keçiririk, qarşılıqlı əlaqələrimiz olur, hansısa bir məsələyə dair müzakirələrdə, belə demək mümkünsə, rəyçilərin rəyini nəzərə alırıq…”

Etikxeber.az-ın müxbirinin suallarını YAP-ın şöbə müdiri və parlamentin komitə sədrinin müavini Aydın Mirzəzadə cavablandırır:

-Aydın müəllim, bugünlərdə Yeni Azərbaycan Partiyasının (YAP) İcra Katibliyində  hakim partiyanı Milli Məclisdə (MM) təmsil edən deputatların bir qisminin iştirakı ilə qapalı müşavirə keçirilib. Qarşıdan da növbəti-6-cı çağırış parlament seçkiləri gəlir. Bu, yəni, YAP-çı deputatların yalnız bir qisminin iştirakı ilə müşavirənin keçirilməsi artıq hakim partiyanın 6-cı çağırışla, özünün yeni və növbəti deputat korpusu ilə bağlı seçim etməsini göstərmirmi?

-Yeni Azərbaycan Partiyası vaxtaşırı özünün fəalları, o cümlədən, parlamentdə təmsil olunan  millət vəkilləri ilə görüşür və bu görüşlərdə partiyadaxili məsələlər, parlamentdə fəaliyyət, qarşıdan gələn bələdiyyə seçkilərində deputatların fəal iştirak etməsi məsələləri müzakirə edilir. Çünki partiyamız cəmiyyətə həmişə açıqdır, onun deputatlarının fəaliyyəti də göz qarşısındadır. Yəni, bizim işimiz, fəaliyyətimiz üzərimizə qoyulan məsuliyyətin bacardığımız qədər yüksək səviyyədə yerinə yetirilməsidir.

– Ümumiyyətlə, YAP rəhbərliyində növbəti deputat korpusu ilə bağlı ilkin rəylər, mövqelər varmı? Hər halda bu haqda mediada, sosial şəbəklərdə ən müxtəli proqnozlar özünə yer alır…

aydinnn

– Bu məsələyə hələ vaxt, zaman var. Çünki  parlament seçkiləri bir ildən sonra, 2020-ci ildə olacaq. Bu baxımdan da, bu məsələlər bu gün partiyadaxili müzakirə mövzusu deyil.

– Bir YAP rəsmisi kimi hakim partiya təmsilçilərinin fəaliyyətini necə qiymətləndirirsiniz?

– YAP-ı parlamentdə təmsil edən deputatların fəaliyyətini müsbət qiymətləndirirəm. Hər bir üzvümüz öz üzərinə düşən vəzifəni məsuliyyətlə yerinə yetirməyə çalışır. Fəaliyyətimiz hər kəsin gözü qarşısındadır.

– Yeri gəlmişkən, bitərəf olsa da, amma iqtidaryönlü sabiq millət vəkili Rafael Cəbrayılovla bağlı qalmaqal, onun səlahiyyətlərinə xitam verilməsi YAP-ın, onun deputat korpusunun də üzərinə, fəaliyyətinə kölgə salmayacaq ki?

– Rafael Cəbrayılov partiyamızın üzvü deyil, ona görə də biz onun fəaliyyətindən məsuliyyət daşımırdıq. Amma Yeni Azərbaycan Partiyasının üzvləri, deputatlarımız  üzərlərinə düşən hər bir vəzifəni məsuliyyətlə yerinə yetirməyə çalışır. Yeni Azərbaycan Partiyasının parlamentdəki hər bir üzvü partiya və seçildiyi regionun yerli partiya təşkilatları ilə sıx əlaqələri var.

– Bəs nəyə görə, sosial mediada, sosial şəbəklərdə YAP-çı deputalara bu qədər qəzəb var?

– Mən belə deməzdim. Bununla qəti razı deyiləm. Mən özüm sosial şəbəkədəyəm və orada hər cür insan, sosial şəbəkə istifadəçiləri var. Onlarla yeri gələndə müzakirələr keçiririk, qarşılıqlı əlaqələrimiz olur, hansısa bir məsələyə dair müzakirələrdə, belə demək mümkünsə, rəyçilərin rəyini nəzərə alırıq. Bu, normal bir prosesdir. Odur ki, hər hansı bir narahatçılığa əsas görmürəm.

Kamil HƏMZƏOĞLU

Etikxeber.az

Read Previous

Separatçılar və Moskva “Ştaynmayer formulunun” reallaşdırılmasınna tərəfdardır… – POLİTOLOQUN YAZISI

Read Next

Bahar Muradova 3 oktyabrdan-Heydər ƏLiyevdən – YAZDI

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir