Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
“Ramin mənim dörd övladımdan, dörd oğlumdan biri idi…Yoldaşımın-anasının doğum günündə, cəmi 19 yaşında Vətən yolunda Şəhid oldu…Anası da bu dərdə dözə bilmədi, bir neçə il öncə dünyasını dəyişdi…”
Bu sözlər Gəncə şəhərinin Səbiskar qəbiristanlığında yerləşən Şəhidlər Xiyabanında Əbədiyyətə uğurlanan Şəhid Ramin İsmayılovun atası İsmayıl İsmayılova məxsusdur.
Bu fikirləri Şəhidimizin atası onunla tanışlığımız-söhbətimiz zamanı dilə gətirdi.
Bu yerdə eyd edim ki, bu gün-27 iyul 2025-ci il tarixində Şəhidimizin atası İsmayıl kişi və doğmaları ilə sırf təsadüf nəticəsində-Goranboy rayounun Yuxarı Ağcakənd qəsəbəsində tanış oldum.
Tanışlıq zamanı Şəhidimizin atası və qardaşı Pərvin İsmayılovla söhbətləşdim, dərdləşdim.
Öncə onlara-Şəhidimizin ailəsinə, doğmalarına Allahdan dözüm arzuladım.
“Şəhidimizin məkanı cənnətlik, ruhu şad olsun!”-dedim.
Onu da qeyd edim ki, 10 fevral 1989-cu il təvəllüdlü Ramin İsmayılov əslən Qərbi Azərbaycanlı və Ağstafa rayonunun Zəlimxan kəndindəndir.
Ancaq bir müddət Rusiyada, sonra isə Gəncə şəhərində yaşayıblar.
Hazırda ailə üzvləri, doğmaları Gəncə şəhərində yaşayır.
Ailədə dörd övlad, dörd qardaş olublar.
Qardaşları hazırda ailəlidirlər.
Ramin əvvəlcə Rusiya Federasiyasının paytaxtı Moskva şəhərində yerləşən 157 saylı orta məktəbdə oxuyub, sonra təhsilini Gəncə şəhərindəki 18 saylı orta məktəbdə davam etdirib.
Orta məktəbdə oxuyarkən həm rəssamlıqla, həm də idmanla-boksla məşğul olub.
Orta məktəbi bitirdikdən bir müddət sonra, 2007-ci ildə həqiqi hərbi xidmətə, Vətənin keşiyinə yollanıb.
Əsgərliyinin başa çatmasına 7 ay qalmış, 2008-ci ilin mart ayının 9-da isə növbəti erməni təxribatı nəticəsində Füzuli istiqamətində qərəmancasına Şəhid olub.
Şəhid olduğu gün həm də anasının doğum günü olub.
Nəşi iki gün sonra-11 mart 2008-ci il tarixində Gəncə şəhər Şəhidlər Xiyabanında Əbədiyyətə uğurlanıb.
19 yaşlı Ramin həm də subay olub.
Şəhidin atasının dediklərindən:
“Ramin Şəhid olanda cəmi 19 yaşı varıydı…Cəmi 19 yaşında bizləri tərk etdi…Qeyd etdiyim kimi, Şəhid olduğu gün anasının doğum günü idi…Hər dəfə 9 mart gələndə yoldaşımın dünyası tarmar olurdu…Heç cür dözə bilmirdi və dözmədi də…Bir neçə il dünyasını dəyişdi, övladına, balamıza qovuşdu…”
Şəhidimizin atası və qardaşı ilə söhbətimiz təxminən yarım saat çəkdi.
Söhbətimizin sonunda bir daha onlara Böyük Yaradandan səbr dilədim!
19 yaşlı Şəhidimizin-Ramin İsmayılovun məqamı Uca və Ali olsun!
Ruhu qarşısında ehtiramla baş əyirəm, baş əyirik!
Nur içində uyusun!
***
FOTOLAR:
Kamil HƏMZƏOĞLU (HƏMİDOV)
Etikxeber.az
