“Roma” “Barsa”nın hücumçusunu icarəyə götürdü…

İtaliyanın “Roma” futbol klubu İspaniyanın “Barselona” komandasının hücumçusu Karles Peresi icarə əsasında öz heyətinə cəlb edib.

Etikxeber.az xəbər verir ki, 21 yaşlı ispaniyalı hücumçu cari mövsümün sonunadək icarə əsasında Roma təmsilçisində çıxış edəcək.

İtaliya klubu bir milyon avro icarə haqqı ödəyib. Klub cari mövsümün sonu 11 milyon avro ödəyərək ispaniyalı futbolçunu birdəfəlik transfer edə bilər.

Qeyd edək ki, K.Peres cari mövsümdə “Barselona”nın heyətində keçirdiyi 13 matçda 3 qol vurub və eyni sayda məhsuldar ötürmə edib.

Etikxeber.az