Səhhəti qüsurlu uşaqlara sahib olan ailələrə dəstəyin göstərilməsinə ehtiyac var – DEPUTAT

Səhhəti qüsurlu uşaqlara sahib olan ailələrə əlavə dəstəyin göstərilməsinə ehtiyac var.

Etikxeber.az-ın məlumatına görə, bunu deputat Aqiyə Naxçıvanlı parlamentdə büdcə müzakirələrində deyib.

O, bildirib ki, qüsurlu övladı olan ana ona baxmaq üçün işləməmək məcburiyyətindədir:

“Düzdür, dövlət tərəfindən qüsurlu uşaqların xəstəliklərinin dərəcələrinə uyğun müavinət verilir, yardım göstərilir”.

Deputat qeyd edib ki, qüsurlu uşaqlara baxan analara mənəvi dəstəklə yanaşı maddi dəstəyin də göstərilməsinə ehtiyac var:

“Təklif edirəm ki, həmin uşaqların valideynlərinə də müavinət verilsin”.

KAMİL

Etikxeber.az