Şəhid əmisinin adını və soyadını daşıyan-BALACA ŞAHMAR SEYİDOV… – FOTOLAR – YENİLƏNİB – (1)

Bu gün-17 noyabr 2023-cü il tarixində, axşam saatlarında Mingəçevirli İkinci Vətən Müharibəsi Şəhidi Şahmar Fikrət oğlu Seyidovun tək qardaşı İlkin Seyidovun üçüncü-sonuncu övladının qırxçıxdı məclisi keçirilib.

Əmisinin adını və soyadını daşıyan körpə Sahmar İlkin oğlu Seyidovun qırxçıdı məclisində Şəhid Şahmar Seyidovun ailə üzvləri, qohumları, Mingəçevirli Şəhid anaları, Şəhid ailələri, ilahiyyatçılar, ziyalılar iştirak ediblər.

Etikxeber.az xəbər verir ki, təxminən 40 nəfərlik məclisdə əmisinin adını və soyadını daşıyan Şahmar Seyidovun ailəsinə, valideynlərinə, nənəsi-Şəhid anası Əsməgül Seyidovaya gözaydınlığı verilib.

Eyni zamanda, körpəyə can sağlığı, uzun ömür, xoşbəxtlik arzulanıb.

İki saatdan çox davam edən məclisin sonunda balaca Şahmar Seyidovun 40 günlüyü ilə bağlı hazırlanmış tort kəsilib.

***

FOTOLAR:

Kamil HƏMZƏOĞLU (HƏMİDOV)

Etikxeber.az