Şəhid Elməddin Hüseynzadənin-24 YAŞI TAMAM OLDU, CƏNNƏTDƏKİ AD GÜNÜ İLƏ BAĞLI MƏRASİMDƏ DUYĞULU, KÖVRƏK ANLAR YAŞANDI… – FOTOLAR – YENİLƏNİB – (3)

Mart 24, 2022

CƏMİYYƏT

198

2 minute read

Bərdənin İkinci Vətən Müharibəsi Şəhidlərindən olan ailənin tək və subay övladı, anası tərəfindən təkbaşına böyüdülən, MAXE, 3 medallı, 24 yaşlı Şəhid Elməddin Hüseynzadən mövludu, Cənnətdəki ikinci ad günü ilə bağlı bu gün səhər saatlarında Bərdə Şəhidlər Xiyabanında məzarı ziyarət olunub.

Etikxeber.az-ın xəbərinə görə, 1998-ci ilin mart ayının 24-də anadan olan Elməddin Hüseynzadənin Cənnətdəki ikinci ad günündə həm də adını daşıyan “Şəhid bulağı”nın açılışı olub.

Eyni zamanda, “Bərəkət” şadlıq sarayında 24 yaşının tamam olması ilə bağlı mərasim başlayıb, adına ehsan süfrəsi açılıb.

Həm “Şəhid bulağı”nın açılışında, həm məzarını ziyarətdə, həm də Cənnətdəki ad günü ilə bağlı mərasimdə Şəhidin anası Arzu Hüseynova, yaxınları, Bərdədən, Mingəçevirdən, Ağdamdan, Goranboydan, Gəncədən və digər bölgələrdən olan Şəhid ailələri, Qazilər, hərbçilər, din xadimləri, məktəblilər, Bərdə İcra Hakimiyyətinin məsul işçiləri və başqa şəxslər iştirak ediblər.

Həm ruhuna dualar oxunub, həm çıxışlar edilib.

Eyni zamanda, mərasimdə Şəhidlərin xatirəsi bir dəqiqəlik sükutla yad edilib, Dövlət himni səsləndirilib.

Təsirli, kövrək, duyğulu anlar yaşanıb.

Şəhidlərə, Vətənə aid şeirlər, İlahilər ifa edilib.

Etikxeber.az açılışdan, ziyarətdən və mərasimdən fotoları təqdim edəcək.