Şəmkirdə top mərmisi aşkarlandı

Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri sentyabrın 24-də Şəmkir şəhərinin 20 Yanvar küçəsində bir təhlükəli əraziyə baxış keçiriblər. Baxış zamanı bir partlamamış hərbi sursat – 122 millimetrlik “OF-56” top mərmisi aşkar edilərək götürülüb. Gün ərzində 350 kvadratmetr ərazi yoxlanılıb.

ANAMA-nın mətbuat xidmətindən Etikxeber.az-a bildiriblər ki, aprelin 7-dən sentyabrın 24-dək agentlik tərəfindən Zərdab, Tərtər, Ağcabədi, Ağdam, Bərdə, Füzuli, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara rayonlarında, Mingəçevir, Sumqayıt, Gəncə, Lənkəran, Şirvan və Bakı şəhərlərində ümumilikdə 646 ev və həyətyanı sahəyə, 3 hərbi hissəyə, 2 kənd qəbiristanlığına, 5 kənd orta məktəbinə, 1 tibb məntəqəsinə, 1 metal anbarına, 30 fermaya, əkin sahələrinə, 1 şərab zavoduna və 1 çınqıl karxanasına baxış olub. Nəticədə 3483 partlamamış hərbi sursat, piyada əleyhinə 15, o cümlədən üç “POMZ-2”, bir “OZM-72” və tank əleyhinə 41 mina aşkarlanaraq zərərsizləşdirilib.

Etikxeber.az

Read Previous

Qabilin xatirə gecəsi keçiriləcək

Read Next

Cəbhə bölgəsində tədbir keçirilib

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir