Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün Şəhid Qoşqar Hacıyevin torpağa tapşırıldığı gündür.
Onun torpağa tapşırılmasından, Əbədiyyətə uğurlanmasından iki il keçir.
İki il öncə-bu gün, 11 fevral tarixində Qoşqar Zahid oğlu Hacıyev Yasamal rayonunda yerləşən “Qurd qapısı” qəbiristanlığında dəfn olunub.
Etikxeber.az xəbər verir ki, Qoşqar Hacıyev 2020-ci ilin fevralında müalicə aldığı “Ege Hospital”da dünyasını dəyişib.
1986-ci ildə Mingəçevir şəhərində anadan olan mərhum Azərbaycan Ordusunda müddətdən artıq hərbi qulluqçu kimi xidmət edib.
2015-ci ilin sentyabrın 2-də düşmənin kəşfiyyat-diversiya hücumunun qarşısını alarkən başından ağır yaralanıb.
Onun müalicəsi yerli tibb müəssisələri ilə yanaşı, Türkiyənin Gülhanə Təhsil və Araşdırma Xəstəxanasında aparılıb.
Müdafiə naziri general-polkovnik Zakir Həsənovun əmri ilə Q.Hacıyev “Hərbi xidmətdə fərqlənməyə görə” 3-cü dərəcəli medalı ilə təltif edilib.
Onun medalı 2019-cu ilin aprelin 20-də Gülhanə xəstəxanasında müalicə olunan zaman ailəsinə təqdim olunub.
Qoşqar Hacıyev həm də ailəli, bir övlad atası olub.
Məqamı Uca, məkanı cənnətlik, ruhu şad olsun!
Nur içində yatsın!
Allah əzizlərinə səbr versin!
Kamil HƏMZƏOĞLU
Etikxeber.az