Sabiq icra başçısının qudası-MƏHKƏMƏNİN KEÇMİŞ SƏDRİNİ ÖLDÜRDÜ- İŞ AĞIR CİNAYƏTLƏR ÜZRƏ İSTİNTAQ İDARƏSİ TAPŞIRILDI

Tovuz rayon sakini Firudin Ələkbərlinin qəsdən öldürülməsi faktı ilə bağlı başlanmış cinayət işi üzrə istintaqın davam etdirilməsi Baş Prokurorluğun Ağır cinayətlərə dair işlər üzrə istintaq idarəsinə tapşırılıb.

Etikxeber.az-ın xəbərinə görə, bunu Baş Prokurorluğun mətbuat xidmətinin rəhbəri Eldar Sultanov mətbuataaaçıqlamasında deyib.

E.Sultanov bildirib ki, iş üzrə bütün halların tam, hərtərəfli və obyektiv araşdırılması istiqamətində zəruri istintaq hərəkətləri və əməliyyat-axtarış tədbirləri davam etdirilir.

Qeyd edək ki, Tovuz məhkəməsinin keçmiş sədri Firudin Ələkbərlini rayonda fəaliyyət göstərən “Su səsi” adlı restoranın sahibi Əli Şəmiyev güllə ilə vurub öldürüb.

Xatırladaq ki, Əli Şəmiyev Tovuzun sabiq icra başçısı Tofiq Zeynalovun qudasıdır. 

Etikxeber.az