Prokuror keçmiş müstəntiqə 10 il cəza istədi, atası Sabiroğlunun halı isə pisləşdi – YENİLƏNİB

Bu gün Lənkəran Ağır Cinayətlər Məhkəməsində Rüfət Səfərovun məhkəmə istintaqı davam etdirilir.

Etixeber.az-ın Azadliq.info-ya istinadən məlumatına görə, şahid qismində ifadə verən Hacıyev Babək bildirib ki, o şəxsi təsərrüfatında məşğul olub. Xırda buynuzlu heyvanları xəstəlik tutub. Onlara vaksin vurulmadığından rayon baytarlıq idarəsindən şikayət edib. Rüfət Səfərov müstəntiq kimi onu qəbul edib bildirib ki, şikayəti araşdırıb tədbir görüləcək. Əgər şikayət təsdiqini tapsa, ona dəyən zərər ödəniləcək. Bir neçə aydan sonra Zərdab rayonunun prokurorundan cinayət işinin başlanmasının rədd edilməsi barədə qərar gəlib. Bundan sonra o yenə şikayətlərini davam etdirib. Prokuror sual verib ki, Mənsum Pənahovun Rüfət Səfərova rüşvət verməsi barədə məlumatı olubmu. O isə yox cavabı verib.

Bundan sonra Babək Hacıyevin istintaqa verdiyi ifadəsi ilə ziddiyyət təşkil olunduğu məlum olub. İfadə elan olunan zaman Hacıyev deyib ki, bu ifadə müstəntiq tərəfindən yazılıb və o da imzalayıb. Hakim bu cavabdan şoka düşərək şahidi öz məhkəmə ifadəsindən yayındırmağa çalışsa da, şahid “adamın Allahı var, mən necə olmayan şeyi deyim?”,- deyə cavab verib. Daha sonra Baytarlıq idarəsinin əməkdaşı Şaiq Əliyev ifadə verib. O, bildirib ki, ondan şikayət olunduğu üçün prokurorluğa çağrılıb və ifadəsini verib. Müstəntiq ondan aptekin lisenziyası olub-olmamasını soruşub. O da aptekin işləmədiyini bildirib. Əliyev Şaiq bu hadisədən sonra idarə rəisi Mənsum Pənahovdan müstəntiqə 400-500 manat verdiyini eşidib. Vəkil sual edəndə ki, niyə bu barədə şikayət etməmisən, o zaman cavab verə bilməyib. Vəkil Bəhruz Bayramov şahidin bilavasitə hadisəyə şahid olmadığını və Əliyev Şaiqin Mənsum Pənahovdan asılı işçi olduğu üçün ifadəsinin sübutlar siyahısından çıxarılması barədə vəsatət verib. Hakimlər yerində müzakirə edərək vəsatəti baxılmamış saxlayıb. Həmçinin, keçən prosesdə qəbul olunmuş vəsatətin aqibəti ilə maraqlanan vəkilə bildirilib ki, Respublikası Prokurorluğundan cavab hələ də onlara daxil olmayıb.

***

Vəkil  Bəhruz Bayramov  həmçinin bildirib ki, prosesdə məhkəmə istintaqı başa çatıb. Söz dövlət ittihamçısına verilib. Prokuror çıxışında sabiq müstəntiqə 10 il müddətə azadlıqdan məhrum etmə cəzası verilməsini tələb edib.

Proses sabah davam edəcək

***

Onu da qeyd edək ki, KİV-də yayılan son məlumata görə, Rüfət Səfərovun atası Eldar Sabiroğlunun halı pisləşib.

Etikxeber.az

Read Previous

Səfir də FETÖ-dən danışdı: “Hər cür əlaqə vasitələrindən istifadə edilir”

Read Next

Oğan da od “püskürdü”: “Ülkücü Turançı olur, amma FETÖ-çü olmaz””

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir