“Sahibkarlıq subyektlərinə dövlət büdcəsinin vəsaiti hesabına ödənilən maddi yardım mənfəət vergisindən və sadələşdirilmiş vergidən azad edilsin”-ELNUR ALLAHVERDİYEV

Dövlətimiz yeni növ koronavirus pandemiyasının iqtisadiyyata, xüsusilə də özəl sektora vurduğu ziyanın minimallaşdırılması məqsədilə təxirəsalınmaz tədbirlər həyata keçirir. Cənab Prezident İlham Əliyevin tapşırığı ilə hazırlanmış dəstək proqramlarının əsas məqsədi maddi itkilərə məruz qalmış sektor təmsilçilərinə fəaliyyətlərini bərpa etmək üçün yardım göstərməkdir. Vergi güzəştlərinin tətbiqi məqsədi ilə Vergi Məcəlləsinə edilməsi təklif olunan dəyişikliklər sahibkarlıq subyektlərinə yönəlmiş dəstək kontekstindən qiymətləndirilməlidir.

Etikxeber.az xəbər verir ki, bunu millət vəkili Elnur Allahverdiyev deyib.

Bildirib ki, bu gün Milli Məclisin (MM) plenar iclasında Vergi Məcəlləsinə dəyişikliklər edilməsi haqqında qanun layihəsinin müzakirəsi əsnasında təkliflə çıxış edib:

“Təklifim bundan ibarətdir: Müvəqqəti vergi rejimi müddətində sahibkarlıq subyektlərinə dövlət büdcəsinin vəsaiti hesabına ödənilən maddi yardım mənfəət (gəlir) vergisindən və sadələşdirilmiş vergidən azad edilsin. Hesab edirəm ki, bu, dövlətimizin pandemiya şəraitində fəaliyyətsiz olan və maddi itkilərə məruz qalmış sahibkarlıq subyektləri və özəl sektorun digər təmsilçiləri üçün əlavə dəstək ola bilər. Təklifim İqtisadi siyasət, sənaye və sahibkarlıq komitəsinin iclasında ətraflı müzakirə olunacaq”.

Etikxeber.az

Read Previous

“Azərbaycanda heç kim öz siyasi baxışlarına, siyasi mənsubiyyətinə, siyasi fəaliyyətinə görə təqib edilməməlidir…”-PREZİDENTDƏN TƏLƏB

Read Next

“Vergi mədəniyyəti istiqamətində dərslər ilk siniflərdən, hətta, bağçalardan təbliğ olunmağa başlasın”-FATMA YILDIRIM TƏKLİF ETDİ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir