Sakinlər üçün yeni piyada keçidi istifadəyə verildi -“Dərnəgül”də – FOTOLAR

Binəqədi rayonu 7-ci mikrorayon ərazisində inşa olunan Bakı Metropoliteninin “Dərnəgül” elektrik deposu ərazisində yeraltı piyada keçidi istifadəyə verilib. M.Əliyev küçəsi 3126-27-ci məhəllədə inşa olunan piyada keçidi ətraf ərazidə yaşayan sakinlərin rahatlığını təmin etmək məqsədi daşıyır.

Etikxeber.az xəbər verir ki, bunu Bakı Metropoliteninin mətbuat xidməıtinin rəhbəri Nəsimi Paşayev deyib.

N. Paşayevin sözlərinə görə, belə ki, sakinlər tikintisi davam edən “Dərnəgül” elektrik deposunun həyətindən keçən müvəqqəti yoldan istifadə edirdilər. Bu da xüsusilə yağışlı havada bir sıra çətinliklər yaradırdı. Gələcəkdə depo ərazisindən keçməyin mümkün olmayacağını və sakinlərin rahatlığını düşünən Bakı Metropoliteni rəhbərliyi yeraltı piyada keçidi tikmək haqqında qərar qəbul etmişdi.
“Uzunluğu 154,36, eni 4, hündürlüyü isə 2,3 metr olan piyada keçidi artıq sakinlərin istifadəsinə verilib. Layihəsi “Bakı Metropoliteni” QSC nəzdində fəaliyyət göstərən “Bakımetrolayihə” İnstitutu tərəfindən hazırlanan piyada keçidi Tikinti departamenti tərəfindən müasir standartlara cavab verən formada tikilib“-deyə, o, sözlərinə əlavə edib.

met-1met-2

met-5

Etikxeber.az

Read Previous

Sumqayıtda partlayış baş verdi – bir nəfər dünyasını dəyişdi

Read Next

Balakəndə baş verən ağır yol qəzasında ölənlərin kimliyi məlum oldu – FOTOLAR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir