Seçiciləri Naqif Həmzəyevi-ÜMİDLƏNDİRDİLƏR – FOTOLAR

38 saylı Nizami ikinci (Gəncə) seçki dairəsindən deputalığa namizəd Naqif Həmzəyev təbliğat-təşviqat kampaniyası çərçivəsində növbəti görüş şəhərin Heydər Əliyev prospektində olub.

Etikxeber.az xəbər verir ki, məhəllələrarası ərazilərdə seçicilərlə keçən görüşdə Naqif Həmzəyev Yeni Azərbaycan Partiyasının (YAP) ölkənin ictimai – siyasi həyatındakı uğurları barədə məlumat verərək, partiyanın irəli sürdüyü seçki platformasında vətəndaşların hüquq və azadlıqlarının qorunması, ölkə iqtisadiyyatının, səhiyyə, təhsil sahələrinin hərtərəfli inkişafı, sosial rifahının,mənzil şəraitinin yaxşılaşması, ərazi bütövlüyümüzün bərpa edilməsi kimi məsələlər ölkənin prioritet istiqamətləri kimi əsas götürüldüyünü diqqətə çatdırıb.

Seçicilər “Daha güclü Azərbaycan naminə!” şüarı ilə seçkilərə qatılan Naqif Həmzəyevi yenidən millət vəkili kimi görmək istədiklərini, seçkilərdə ona səs verəcəklərini dilə gətiriblər.

Seçicilərin fəallığı ilə keçən görüşlərdə Naqif Həmzəyev etimada, güvənə və dəstəyə görə görüş iştirakçılarına təşəkkür edib, hər bir seçicini 9 fevralda Milli Məclisə keçiriləcək növbədənkənar seçkilərdə ən layiqli namizədə səs verməyə çağırıb.

Səmimi keçən görüşdə sakinlərin sualları cavablandırıb, təklif və problemlərinin qeydiyyatı aparılıb.

Etikxeber.az