“SEÇİM SİZİNKİDİR, DÜZƏ SƏS VERİN!”-Əmir Pəhləvan Ziyad Səmədzadəyə şeir həsr etdi

Yazıçı-dramaturq Əmir Pəhləvan tanınmış ictimai-siyasi xadim, akademik, deputatlığa namizəd Ziyad Səmədzadəyə şeir həsr edib.

Etikxeber.az həmin şeri olduğu kimi təqdim edir:

“SEÇİM SİZİNKİDİR, DÜZƏ SƏS VERİN!” 

Biz yenə görüşdük, ay əzizlərim,

Yenə görüşdürdü istəklər bizi,

O dəfə çin oldu, vədim, sözlərim,

Bu dəfə göstərin iradənizi.

Həmişə mən Sizə arxalanmışam,

Gərək səsinizi cahana yayam,

Həmişə yolumda olubsunuz şam,

O nuru mən geri qaytarmalıyam.

“Millət”-deyənləri, “bal” yeyənləri,

Hamınız, hamınız tanımalısız,

Sizlərə “gəl”-deyib, “can” deyənləri

– Özünüz birəbir sınamalısız.

Siz ey sevənlərim, səs verənlərim,

Sizlərə Göy qədər məhəbbətim var,

Qayadan möhkəməm, bulaqdan həlim,

Mənim də bax belə təbiətim var.

Mən sizin adamam – sadə, işgüzar,

Həmişə yaratmaq diləyindəyəm,

Xoşbəxtəm- sizlər tək tərəfdarım var,

Xoşbəxtəm – sizlərin ürəyindəyəm.

Biz yenə görüşdük, ay əzizlərim,

Yenə görüşdürdü istəklər bizi,

O dəfə çin oldu vədim, sözlərim,

Bu dəfə – göstərin iradənizi.

Həmişə mən sizə arxalanmışam,

Gərək səsinizi aləmə yayam,

Həmişə yolumda olubsunuz şam,

O nuru mən geri qaytarmalıyam.

İndi söz də sizin, meydan da sizin,

Ən doğru, ən dürüst sözə səs verin,

İşığı var olsun ürəyinizin,

Haqqa, ədalətə, düzə səs verin.

Etikxeber.az