Seyidov: Bizim əlaqələrimizə xələl gətirmək istəyən qüvvələr var – FOTO

Azərbaycanın Avropa Şurası Parlament Assambleyasındakı (AŞPA) nümayəndə heyətinin rəhbəri Səməd Seyidov yanvarın 25-də qurumun sədri Pedro Aqramunt ilə görüşüb.

Etikxeber.az-ın məlumatına görə, görüşdə Azərbaycan parlamenti ilə AŞPA arasında əməkdaşlığın perspektivləri müzakirə olunub.

AŞPA-nın miqrasiya, qaçqınlar və məcburi köçkünlər komitəsinin sədri Sahibə Qafarova da görüşdə iştirak edib.

Nümayəndə heyətimizin rəhbəri Səməd Seyidov bildirib ki, belə görüşlərin keçirilməsi Azərbaycan ilə AŞPA arasında münasibətlərin daha da inkişaf etdirilməsinə töhfə verir.

“Çünki bizim bu qurumla əlaqələrimizə xələl gətirmək istəyən qüvvələr var. Bu qüvvələr həm təşkilatın daxilində, həm də xaricində aktiv fəaliyyət göstərirlər. Bununla belə, Azərbaycanın AŞPA-dakı mövqeyi getdikcə güclənir, qurumla əlaqələrimiz daha da genişlənir”,- deyə Səməd Seyidov vurğulayıb.

Bildirilib ki, Azərbaycanın AŞPA-da mövqeyinin güclənməsi nümayəndə heyətimizin fəal işi ilə yanaşı, ölkəmizdə demokratiyanın gücləndirilməsi istiqamətində görülən işlərin qurum tərəfindən obyektiv dəyərləndirilməsi ilə də bağlıdır.

Azərbaycan nümayəndə heyətinin rəhbəri S. Seyidov Pedro Aqramunta qış sessiyasının açılışında ölkəmizlə bağlı söylədiyi xoş sözlərə görə təşəkkürünü bildirib.

Etikxeber.az

Read Previous

Müvəqqəti baş nazir ölkəni parlament seçkilərinə hazırlayır – FOTO

Read Next

Usain Boltun Pekin Olimpiadasında qazandığı qızıl medalların biri əlindən alındi

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir