SOCAR-ın vitse-prezidenti istintaqa cəlb olunub?

Yanvarın 11-də bir sıra elektron kütləvi informasi vasitələrində SOCAR-ın kadr, rejim və informasiya texnologiyaları üzrə vitse-prezidenti Xalik Məmmədovun istintaqa cəlb olunması ilə bağlı məlumat yayılıb.

Etikxeber.az xəbər verir ki, SOCAR-ın Mətbuat Xidmətindən verilən açıqlamada məsələyə belə münasibət bildirilib:

“Rəsmi şəkildə bildiririk ki, bu məlumat tamamilə əsassızdır. SOCAR-ın heç bir vitse-prezidenti heç bir cinayət işi üzrə istintaqa cəlb edilməyib. Bildiririk ki, həqiqətə uyğun olmayan məlumatlar yayan sayt rəhbərlərini “Kütləvi İnformasiya Vasitələri haqqında” Qanunun müddəalarına uyğun olaraq məsuliyyət daşıyırlar”.

***

Azərbaycan Dövlət Neft Şirkətinin vitse-prezidenti Xalik Məmmədov Baş Prokurorluğun Ağır Cinayətlərə dair İşləri Üzrə İstintaq İdarəsindən aparılan “Gülən İşi” üzrə istintaqa cəlb olunub. Bu barədə Xalik Məmmədova yaxın mənbələrdən informasiya daxil olub. Məlumatda qeyd olunur ki, SOCAR rəhbərliyində çalışan bir qrup şəxsin cəlb olunduğu istintaqda bir neçə dəfə dindirmələr olub və vitse-prezident öz vəkiliylə bu prosesdə iştirak edib. Xalik Məmmədova verilən əsas suallardan biri isə Fətullah Gülənə məxsus ali məktəbləri bitirən və onun şəbəkəsinə daxil olan şəxlərin SOCAR-da necə işə alınması ilə bağlı olub.
“Gülən İşi”nə görə Azərbaycanda açılan 162006055 nömrəli cinayət işində Xalik Məmmədovla yanaşı, başqa qurumları təmsil edən şəxslərin adı keçir.
Qeyd edək ki, Fətullah Gülənin Türkiyədə çevrliş planının ifşasından sonar qardaş ölkənin hökuməti bu şəbəkənin Azərbaycandakı dayaqlarının “vurulması” üçün rəsmi Bakı ilə işbirliyinə gedib.
Gülən şəbəkəsinə daxil olan məktəb və liseylər, habelə, bir sıra dərnəklər bağlandı. (Gununsesi.info)

Etikxeber.az