Suriyada növbəti qanlı terrakt: ÖLƏNLƏRİN SAYI 100-Ü ÖTÜB

Suriyanın Deyr əz-Zor şəhəri yaxınlığında yerləşən “Ər Rukban” qaçqın düşərgəsində törədilən terror aktı nəticəsində həlak olanların sayı 100-ü ötüb.

Etikxeber.az RİA Novosti agentliyinə istinadla xəbər verir ki, bu barədə Suriya dövlət televiziyası məlumat yayıb.

Hadisə ötən gecə terrorçu-kamikadzenin minalanmış avtomobili düşərgənin ərazisinə sürərək partlayıcı qurğunu işə salması nəticəsində baş verib. Partlayış nəticəsində onlarla insanın da yaralandığı bildirilir.

Xatırladaq ki, Suriya ordusu noyabrın 3-də Deyr əz-Zor şəhərini İŞİD terrorçularından azad etmişdi.

Etikxeber.az