Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün Bərdənin İkinci Vətən Müharibəsi Şəhidlərindən və Şuşa fatehlərindən olan Xüsusi Təyinatlı Qüvvələrin (XTQ) döyüşçüsü, ailənin 3 övladından biri, evin subay oğlu Aqil Mətləb oğlu Quliyevin ad günüdür.
Onun 21 yaşı tamam olur və bu, Aqil Quliyevin Cənnətdəki ikinci ad günüdür.
Etikxeber.az xəbər verir ki, 2000-ci ilin dekabr ayının 3-də Bərdə rayonunda sadə bir ailədə dünyaya gələn Aqil Quliyev hərbi xidmətini başa vurduqdan sonra yenidən həyatını Ordu, hərb ilə bağlayıb.
İkinci Vətən Müharibəsinin ilk güündən də hərbçi, XTQ-çı kimi ən ağır döyüşlərdə iştirak edib.
Döyüş yolu da uzun və şərəfli olub.
Noyabrın 8-cən, Şuşa azad olunan günə kimi döyüş yolu keçib.
Və noyabrın 8-də, Şuşa işğaldan azad olunan gün elə Şuşada qəhrəmancasına həlak olub, Şəhidlik məqamına ucalıb.
Ancaq nəşi 3 gündən sonra Bərdə Şəhidlər Xiyabanında dəfn olunub.
Şəhidliyindən sonra bir neçə medalla təltif olunub.
Cənnətdəki ikinci ad günü, mövludu ilə bağlı bu gün Şəhidin yaşadığı evdə mərasim keçirilib.
Mərasimdə Şəhidin ailə üzvləri, yaxınları, Bərdədən olan Şəhid ailələri, Qazilər, hərbçilər, millət vəkili Fatma Yıldırımın köməkçisi və digər şəxslər iştirak ediblər.
Onlar Şəhidin ailəsinə bir daha Allahdan səbr diləyiblər, “Şəhidimizin mövludu, Cənnətdəki ad günü mübarək olsun”-deyiblər.
Şəhidin ailəsi də belə bir gündə onları tək buraxmadıqları üçün hər kəsə öz minnətdarlıqlarını ifadə ediblər.
Məqamı Uca, məkanı cənnətlik olsun!
Mövludu, Cənnətdəki ikinci ad günü mübarək olsun!
Allah ailəsinə səbr versin!
18:00
***
FOTOLAR:
NUR ÜZLÜ ŞƏHİDİMİZ…
ŞƏHİD ANASI…VÜSALƏ ANA…QƏHRƏMAN ANA…
ŞƏHİD ATASI…MƏTLƏB ATA…QƏHRƏMAN ATA…
ŞƏHİD AİLƏLƏRİ…DƏRD VƏ QÜRUR ORTAQLARI…
***
ŞƏHİD ATALARI…QƏHRƏMAN ATALAR…
***
Kamil HƏMZƏOĞLU (HƏMİDOV)
Etikxeber.az