Tək və subay övlad, İkinci Vətən Müharibəsi iştirakçısı, MAXE, Yeni ilin ilk gündə Cənnətdəki ikinci doğum günü olan-XAÇMAZLI ANTİTERROR ŞƏHİDİ AĞAMİ ƏLİŞANOV… – FOTOLAR – YENİLƏNİB

Xaçmaz rayonunun Qaradağlı kəndindən olan Antiterror Şəhidi, atasını körpə yaşlarında itirən, anası tərəfindən təkbaşına və dayısının himayəsində böyüdülən tək və subay övlad, İkinci Vətən Müharibəsi iştirakçısı, MAXE, 3 medal və bir ordenli Ağami Mehman oğlu Əlişanovun Cənnətdəki ikinci doğum günündə, 23 yaşının tamamında-1 yanvar 2025-ci il tarixində məzarı ziyarət olunub.

Məzarı üzərinə gül dəstələri düzülüb, ruhuna dualar edilib, “Quran” oxunub.

Doğmalarına-anası Dilbər xanıma Allahdan səbr və dözüm arzulanıb, Cənnətdəki ikinci doğum günü təbrik olunub.

Etikxeber.az xəbər verir ki, məzarını ziyarətdən sonra Cənnətdəki ikinci doğum günü ilə bağlı Qaradağlı kəndində-dayısının evində məclis düzənlənib, adına ehsan süfrəsi açılıb.

Bir daha ruhuna dualar olunub.

Qeyd edək ki, Şəhidin məzarını ziyarətdə və Cənnətdəki ikinci doğum günü ilə bağlı məclisdə Xaçmazdan, Şabrandan, Qusardan, Bərdədən olan Şəhid ailələri, din xadimləri, yerli ziyalılar, “Odlar yurdu” qrupunun üzvü Azər Hüseynov və digər şəxslər iştirak ediblər.

Sabah-1 yanvar 2025-ci il tarixində Cənnətdəki doğum günləri olan İkinci Vətən Müharibəsi, “Qisas” və Antiterror əməliyyatı Şəhidləri-TƏK ÖVLADLAR RAMAL MƏMMƏDOVLA AĞAMİ ƏLİŞANOV, AİLƏNİN ÜÇ ÖVLADINDAN BİRİ SƏXAVƏT TALIBZADƏ, SUBAY SƏFİYAR MƏMMƏDOV, QIZI İLƏ EYNİ GÜNDƏ DÜNYAYA GƏLƏN RAMİL RƏHİMOV… – FOTOLAR

***

FOTOLAR:

Kamil HƏMZƏOĞLU (HƏMİDOV)

Etikxeber.az