Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
“Bu gün təmas xəttində yaşayan uşaqlar, qadınlar elə təkcə mərmilərin səsindən nə qədər stress keçirirlər. Onlar psixoloji təzyiq altında olurlar, öz həyatlarını planlaşdıra bilmirlər. Biz bu insanların hüquqlarının qorunmasını beynəlxalq məhkəmələrə qədər aparmalıyıq”.
Etikxeber.az-ın məlumatına görə, bunu oktyabrın 12-də Milli Məclisin (MM) vitse-spikeri, İnsan hüquqları komitəsinin sədri Bahar Muradova adçəkilən komitənin iclasında çıxış edərkən deyib.
Azərbaycanda dövlət tərəfindən bütün addımların insan amili və insanların hüquqlarının qorunması naminə atıldığını xatırladan vitse-spiker qeyd edib ki, məhkəmələrdən edilən şikayətlərin də obyektiv və heç zaman dəyişməyən səbəbi bir tərəfin narazı qalmasıdır.
Onun sözlərinə görə, şikayət edən öz hüquqlarını bəlkə də sona qədər bilmədiyindən, törətdiyi, yaxud da ona qarşı törədilən hər hansı əməli bir çox hallarda tam hüquqi aspektdən dəyərləndirə bilmədiyindən ardıcıl olaraq şikayətlər edir.
“Birinci instansiya məhkəməsindən də, sonuncudan da narazı qalan şikayət edir. Yaxud obyektiv olaraq, verilən hökm hüquqa söykəndiyi halda, yenə də narazı qalır. Ona görə, bu müraciətlərin sayı çoxdur. Bu ona görə deyil ki, məhkəmə qərarları yerinə yetirilmir və yaxud da onların əksəriyyəti hansısa subyektiv amillərə söykənir. Əlbəttə, belə hallar da var”- deyə, B. Muradova daha sonra sözlərinə əlavə edib.
Etikxeber.az
