Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Tərtər rayonunun ərazisi artilleriya atəşinə tutulub.
Etikxeber.az xəbər verir ki, bu haqda Müdafiə Nazirliyi (MN) məlumat yayıb.
Qeyd edib ki, oktyabrın 28-də saat 07.30 radələrində Ermənistan silahlı qüvvələri Tərtər rayonunun ərazisini artilleriya atəşinə tutub.
08:05
***
Düşmən Tərtər rayonunun ərazisini raket atəşinə məruz qoyub.
MN-dən bildirilib ki, humanitar atəşkəs rejimini pozan Ermənistan silahlı qüvvələri dinc sakinlərimizi və mülki obyektləri raket atəşinə tutmaqda davam edir.
Oktyabrın 28-da saat 10:15-də düşmən “Smerç” yaylım atəşli reaktiv sistemindən Tərtər şəhərini və rayonunun ərazisini atəşə tutub.
Xəsarət alanlar yoxdur.
11:55
***
Ermənistan tərəfinin Şuşa və Xankəndi şəhərlərinin Azərbaycan Ordusu tərəfindən guya raket atəşinə tutulması barədə yaydıqları məlumat yalandır.
MN-dən bildirilib ki, Azərbaycan Ordusu mülki əhalini heç vaxt atəşə tutmur.
Azərbaycan humanitar atəşkəs rejiminə əməl edir.
13:50
***
Humanitar atəşkəs rejimini kobud şəkildə pozan Ermənistan silahlı qüvvələri oktyabrın 28-də saat 14.40-dan etibarən Goranboy və Tərtər rayonlarının ərazisi atəşə tutur.
Bu barədə də MN-dən bildirilib.
13:59
***
Ermənistan silahlı qüvvələrinin bölmələri Tərtər rayonunun ərazisini BM-21 “Qrad” yaylım atəşli reaktiv sistemlərdən və toplardan atəşə tutub.
Bu barədə yenə MN-dən məlumat verilib.
16:26
***
Humanitar atəşkəs rejimini kobudcasına pozaraq şəhər və rayonlarımıza atəş açan düşmənin qüvvə və vasitələrini Azərbaycan Ordusunun bölmələri darmadağın edib.
Bu haqda MN məlumat yayıb.
19:10
***
Mülki infrastrukturu və dinc əhalini atəşə tutan düşmənin canlı qüvvəsi bölmələrimizin sərrast atəşi ilə məhv edilib.
Bu barədə MN məlumat yayıb.
19:45
***
Bölmələrimizin dəqiq atəş zərbələrinə tab gətirə bilməyərək döyüş meydanından qaçan düşmən qüvvələri məhv edilib.
Bu barədə MN-dən bildirlib.
Etikxeber.az
