Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün tanınmış siyasətçi, ictimai-siyasi xadim, siyasi elmlər doktoru, professor Hadi Rəcəblinin növbəti doğum günüdür.
Etikxeber.az xəbər verir ki, bu gün Hadi Rəcəblinin 73 yaşı tamam olur.
Qeyd edək ki, Rəcəbli Hadi Musa oğlu 1947-ci il oktyabrın 25-də Lənkəran rayonun Veravul kəndində anadan olmuşdur.
Moskva Yeyinti Sənayesi İnstitutunun texnologiya fakültəsini və Bakı Ali Partiya məktəbini bitirmişdir.
1963-cü ildən Lənkəran çörək zavodunda fəhlə, mühasib, texnoloq, iqtisadçı işləmişdir. 1971-ci ildən Lənkəran Şəhər Komsomol Komitəsinin ikinci katibi, 1972-ci ildən birinci katibi, 1978-ci ildən “Bakinskiy raboçiy” xüsusi müxbiri, 1980-ci ildən Lənkəran Şəhər İcraiyyə Komitəsinin sədri olmuşdur.
1981-ci ildən Azərbaycan KP MK-nın inspektoru, 1983-cü ildən Şəki Şəhər Partiya Komitəsinin birinci katibi, 1989-1995-ci illərdə Azərbaycan Respublikasının Nazirlər Kabinetində referent, aparıcı mütəxəssis, bölmə müdiri, şöbə müdirinin müavini, şöbə müdiri vəzifələrində çalışmışdır.
Ehtiyatda olan mayordur. Xeyli sayda və 200-dən çox elmi-publisistik məqalənin müəllifidir.
Hakim Yeni Azərbaycan Partiyasının (YAP) tanınmış simalarından, 2013-cü ildən isə partiyanın Siyasi Şurasının üzvüdür.
1985-90-cı illərdə keçmiş Azərbaycan SSR Ali Sovetinin, birinci, ikinci, üçüncü, dördüncü və beşinci çağırış Azərbaycan Respublikası Milli Məclisinin deputatı olmuşdur.
“Əmək igidliyinə görə” medalı (1976),”Əmək rəşadətinə görə” medalı (1977),”Şərəf” nişanı (1986), “Şöhrət” ordeni (2007), İkinci dərəcəli “Vətənə xidmətə görə” ordeni (2017) ilə təltif edilmişdir.
Ailəlidir, 4 övladı, nəvələri və nəticələri var.
73 yaşının tamam olması, əlamətdar gün münasibəti ilə də Hadi Rəcəblini təbrik edir, ona elmi, siyasi və şəxsi həyatında növbəti uğurlar, nailiyyətlər arzulayırıq.
Doğum gününüz mübarək olsun!
Etikxeber.az