Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
İctimai Televiziya və Radio Yayımları Şirkətinin koronavirusa yoluxan böyük redaktoru, tanınmış jurnalist Əmrah Fəqanoğlu vəfat edib.
Etikxeber.az məlumat verir ki, o, bu gün həyatını itirib.
Faktı mediaya TƏBİB-dən də təsdiqləyiblər.
Bildirilib ki, Ə. Fəqanoğlu bu gün səhər dünyasını dəyişib.
Qeyd edək ki, əslən Ağsu rayonundan olan Ə. Fəqanoğlu BDU-nun jurnalistika fakültəsini bitirib.
Bir neçə kitabın müəllifidir.
İki övladı-bir qızı və bir oğlu var.
Qızı ailəlidir.
Allah rəhmət etsin!
10:21
***
“15 il idi ki, həmişə Sən yazırdın məndən, indi isə ilk dəfə mən yazıram Səndən dəyərli insan”.
Bunu isə deputat Rəşad Mahmudov Ə. Fəqanoğlunun vəfatı ilə bağlı bildirib.
R.Mahmudov jurnalistlə bağlı xatirələrini belə davam etdirib:
“2005 ci ildə bölgələrdə ilk “açıq ürək əməliyyatları humanitar aksiyası”na start verərkən mətbuat xidmətinin rəhbəri kimi tanıdım Səni. Həyatımda ilk dəfə Sənin uzatdığın mikrofona titrək və həyəcanlı səsimlə müsahibə vermişdim. İlk dəfə Sən duymuşdun sənətim və vətənimlə qürur keçirdiyim o anları. Sonra ötən 15 il.
Həssaslığın, diqqətin, təmənnasızlığın, sənətinə, vətəninə, dövlətinə və onun rəhbərinə qarşı olan sevgin, mənə qarşı olan məhəbbətin nə qədər də gözəl idi əziz dost.
22 iyulda Sənə göndərdiyim mesajım 15 ildə ilk dəfə idi qarşılıqsız qaldı, nakam qaldı.
Əmrah Fəqanoğlu – Sən tarixə “2020 ci il mətbuatımızın şəhidləri” sırasına qatıldın artıq! Sən mətbuat tariximizə sadə, ləyaqətli, peşəsinə və sənətinə sadiq jurnalist kimi qatıldın!
5 aydır gecə-gündüz demədən mübarizə aparan ölkə mətbuat işcilərinin fədakarlıqlarının simvollarından oldun artıq! Sən, sən, sən artıq….!
Rahat yat əziz insan! “Facebook”da paylaşdığın 17 yaşlı tələbə qardaşın, günəş üzlü anan, polad əzəmətli atanın yanındasan artıq! Ruhun şad olsun! Çox hörmətli mətbuat nümayəndələri başınız sağ olsun! Vətən var olsun!
22 iyulda “Milli Mətbuat Günü”ndə çox böyük ümidlərlə göndərdiyim mesajım Sənə son hədiyyəm olsun”.
Etikxeber.az
