Tanınmış vəkil: “Rauf Kişiyev 1990-cı ildə böyük risk edərək…”

“İldə bir dəfə yada düşən 20 Yanvar faciəsi ilə bağlı yaddaşıma həkk olunmuş hadisə nə həmin gün işdən evə qayıdanda atışmaya düşdüyüm, nə iki gün sonra Azneft meydanında sovet tankının idarə etdiyim “Jiquli”nin üstündən keçməsidir, bu, o günlər hamının başına gələ bilərdi və gəlirdi. Hər il bu gün yadıma düşür ki,1991-ci ildə Bakı qarnizonu hərbi prokurorunun 30 yaşlı müavini Rauf Kişiyev (sonralar Azərbaycan Respublikası Hərbi prokurunun müavini oldu, hazırda Müdafiə Nazirliyində idarə rəisidir) böyük risk edərək 20 yanvar hadisələri ilə əlaqədar başlanmış və SSRİ hərbi prokurorluğunun xüsusi istintaq qrupu tərəfindən araşdırılan cinayət işinin materiallarının böyük bir hissəsini,minlərlə səhifə istintaq materialları, xəritələr, madii sübutları Azərbaycan Respublikası Prokurorluğuna verə bilmişdi (Cinayət işinin materiallarının qalan hissəsi artıq Moskvaya göndərilmişdi)”.

Etikxeber.az xəbər verir ki. bunu tanınmış vəkil Adil İsmayılov öz “Facebook” statusunda qeyd edib.

Onun qeyd etdiyinə görə, yəqin ki, Pespublika Prokurorluğunda olan həmin materialları indi yaxşı halda arxivdə toz basıb.

“Mən o vaxt cinayət işinin müəyyən hissəsini oxuya bilmişdim və inanın kı, orda bu qanlı faciənin obyektiv araşdırılmasına kömək edəcək , sovet müstəntiqlərinin gözü ilə işıqlandırılmış kifayət qədər məlumat var. Sonralar bu iş üzrə istintaqın kim tərəfindən, necə aparılmasından, hazırda istintaqın vəzyyətindən hamı kimi mən də məlumatsızam. Amma görünən odur ki, bizim hüquqşünaslara qalsa hüquqi müstəvidə bu işin heç bir perspektivi yoxdur. Yaxşı olmazmı ki, həmin materiallar ictimailəşdirilsin və ən azından tarixçilərin öz araşdırmalarında onlardan istifadə etmək imkanı olsun. Ona görə bolüşdüm ki, sonra deməyək ki, demədim…”-deyə, o, sonra qeyd edib.

Etikxeber.az

Read Previous

Mərhum İsmayıl Şıxlının tarixi çıxışı: ” Qoy bəşəriyyətə Suvorov, Kutuzov kimi böyük sərkərdələr vermiş rus xalqı “öz oğlu” Yazovla da “fəxr etsin”

Read Next

“Amerikalılar Obamanın səhvlərini bağışladı, Trampa isə eyni səhv(lər)i bağışlamayacaq” – POLİTOLOQ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir