Toponomiya komissiyasının yeni tərkibi təsdiqləndi-NOVRUZOVUN İRADINA MİRZƏYEVDƏN CAVAB GƏLDİ – YENİLƏNİB

Milli Məclisin (MM) Toponomiya komissiyasının yeni tərkibi müəyyənləşib.

Etikxeber.az məlumat verirki, MM-in bu gün keçirilən plenar iclasında “Azərbaycan Respublikası Milli Məclisi yanında Toponimiya Komissiyasının tərkibi haqqında” qanun layihəsi müzakirəyə çıxarılıb.

 Toponomiya komissiyasının yeni tərkibinin aşağıdakı kimi təşkil edilməsi təklif olunub:

– Nizami Cəfərov (Milli Məclisin deputatı, akademik)

– İsa Həbibbəyli (Milli Məclisin deputatı, AMEA-nın vitse-prezidenti)

 – Sabir Rüstəmxanlı (Milli Məclisin deputatı)

 – Sevinc Fətəliyeva (Milli Məclisin deputatı)

 – Musa Quliyev (Milli Məclisin deputatı)

 – Əziz Ələkbərov (Milli Məclisin deputatı)

 – Möhsün Nağısoylu (AMEA-nın Nəsimi adına Dilçilik İnstitutunun direktoru)

 – Ramiz Məmmədov (AMEA-nın Heydər Əliyev adına Coğrafiya İnstitutunun direktoru)

 – Qara Məşədiyev (AMEA-nın Nəsimi adına Dilçilik İnstitutunun Müasir Azərbaycan dili şöbəsinin baş elmi işçisi )

 – Mahirə Abbasova (AMEA-nın Coğrafiya İnstitutunun Coğrafi fikir tarixi və toponimika şöbəsinin aparıcı elmi işçisi)

 – Emin İmanov (Milli Məclis Aparatı rəhbərinin xidmətinin ərazi vahidlərinin və bələdiyyələrin dövlət reyestri sektorunun müdiri)

***

“Azərbaycan dövlət müstəqilliyini bərpa edəndən bəri bir çox tarixi adlar, toponimlər yersiz yerə dəyişdirilib”.

Bunu qanun layihəsinin müzakirəsi zamanı MM-in Elm və təhsil komitəsinin sədr müavini Musa Qasımlı deyib.

M. Qasımlı bildirib ki, bəziləri Azərbaycanda tarixi adlarının dəyişdirilməsinə səs veriblər və hazırda da burada oturublar:

“Azərbaycanın tarixi adlarının dəyişdirilməsi yolverilməzdir”.

MM-in Regional məsələlər komitəsinin sədri Siyavuş Novruizov bildirib ki, toponimiya məsələləri Regional məsələlər komitəsi tərəfindən təqdim olunacaq:

“Ancaq bizim adımız orada yoxdur”.

S. Novruzovun iradına cavab verən MM-in Aparat rəhbəri Səfa Mirzəyev bildirib ki, Toponomiya Komissiyasında mütəxəssislərin rəyi əsas götürülür:

“Son söz isə Milli Məclisin komitələri və Milli Məclisdə deyilir”.

Layihə səsverməyə çıxarılaraq qəbul edilib.

Kamil HƏMZƏOĞLU (HƏMİDOV)

Etikxeber.az