Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Moskvada üç ölkənin rəsmilərinin iştirakı ilə humanitar atəşkəs imzalandığı gündən etibarən Ermənistan tərəfindən pozulmağa başlandı.
Bu, açıq-aşkar beynəlxalq hüquqa zidd addımdır.
Humanitar atəşkəs qərarı döyüş xəttində yaranmış humanitar problemlərin həlli üçündür.
Bu, sülh demək deyildi. Müəyyən müddət ərzində humanitar məsələlər həll olunması gözlənilirdi.
Amma göründüyü kimi, Ermənistan tərəfi Moskvada əldə olunan razılaşmaya da əməl etmək istəmədi.
Bildiyiniz kimi, düşmən tərəfi atəşkəs rejimini pozaraq, Azərbaycanın mülkü əhalisini atəşə tutdu.
Bu da o deməkdir ki, bu razılaşma da münaqişənin gedişatına təsir edə bilmədi.
Humanitar atəşkəs rejiminə əməl etməyən Ermənistan silahlı bölmələri qüvvə və vasitələri cəmləşdirərək cəbhənin müxtəlif istiqamətlərində hücum etməyə cəhd göstərsədə şanlı ordumuz tərəfindən qarşısı alındı.
Azərbaycan atəşkəsə razılıq verdi və sözünə də sadiqlik nümayiş etdirdi.
Dövlətimiz qərar aldı ki, diplomatik danışıqlar başlanılsın və bu danışıqların əsası da Azərbaycan torpaqlarının ərazi bütövlüyünün təmin olunması idi.
Azərbaycan tərəfi regionda sülhün təmin olunmasının əsas təşəbbüskarıdır.
Cənab Prezident hər zaman qeyd edir ki, regionun inkişafı, sabitliyi naminə sülh tərəfdarıyıq.
Artıq bir daha dünya gördü ki, Ermənistan region üçün böyük təhlükədir.
Ermənistanın dinc əhaliyə hücumu təəccüb doğurmur, onlar belə planlarını heç zaman gizlətmirlər.
Hücumun planlı şəkildə olması onu beynəlxalq cinayətə çevirir.
Qarşı tərəf tək Azərbaycana deyil öz xalqına qarşı da terrorçu kimi davranır.
Cəbhəyə gənclər güc tətbiq edilərək göndərilir.
Ermənistanın öz mətbuatından da görünür ki, pisxoloji xaos yaşayırlar.
Xarici mətbuata güclü təsir edən erməni diasporası hər zaman ölkəmizə qarşı qarayaxma əməliyyatı aparıb.
Bu gün də əməlindən çəkinməyən diaspora bəzi dünya mətbuatında Gəncədəki çirkin terrorun nəticəsində yaranmış dağıntıları Xankəndində baş vermiş kimi təqdim ediblər.
Cənab Prezident Türkiyənin “Haber Global” kanalına verdiyi müsahibəsində də qeyd etdiyi kimi hadisələri olduğu kimi, dünyaya çatdıran türk mediasına xüsusi təşəkkür düşür.
Ümumiyyətlə, qardaş ölkənin münaqişənin siyasi yolla həll olunmasındakı rolu çox böyükdür.
Türkiyənin dünya ölkələri arasında artan gücü digər dövlətlərin onunla hesablaşmaq zərurətini yaratmışdır.
Hazırda bu güc Azərbaycana böyük mənəvi dəstəkdir!
Müşfiq CƏFƏROV,
Millət vəkili
Etikxeber.az
