Üç bacının tək qardaşı, bir övladı Vətənə əmanət qalan-BİLAL QƏNBƏROVUN ANIM GÜNÜ – MƏZARININ İZDİHAMLI ZİYARƏTİ, İZDİHAMLI ANIM MƏRASİMİ – FOTO-VİDEO – YENİLƏNİB – (3)

Bu gün Bakının Səbail rayonunun İkinci Vətən Müharibəsi Şəhidlərindən olan evin-ailənin 4 övladından biri, 3 bacının tək qardaşı, bir övladı Vətən əmanət qalan Bilal Xanlar oğlu Qənbərovun Anım Günüdür.

Bu gün, 4 noyabr tarixi Bilal Qənbərovun torpağa tapşırıldığı, Əbədiyyətə uğurlandığı gündür.

Onun Badamdar qəbiristanlığında dəfn edilməsindən bir il keçir.

Etikxeber.az xəbər verir ki, 1993-cü il təvəllüdlü Bilal Qənbərov 2020-ci il sentyabrın 29-da, 27 yaşının tamamında, növbəti doğum günündə İkinci Qarabağ Savaşına, döyüşlərə qoşulmaq üçün yola düşüb.

“İyul hadisələrindən, Polad Həşimov və İlqar Mirzəyevin Şəhidliyindən sonra özünə gələ bilmirdi, deyirdi ki, müharibə başlasa, hamıdan qabaq döyüşlərə atılacaq və…”-ŞƏHİD BİLAL QƏNBƏROVUN ANASI GÜLTƏKİN XANIM… – FOTO-VİDEO – YENİLƏNİB – (2)

Döyüşüb, vuruşub və Şuşa uğrunda döyüşlərdən birində, noyabrın 3-də qəhrəmancasına həlak olub, Şəhidlik məqamına yüksəlib.

Nəşi Bakıya gətirilərək, Badamdar qəsəbə qəbiristanlığındakı Şəhidlər məzarlığında dəfn edilib.

Şəhidliyindən sonra “Vətən uğrunda”, “Cəsur döyüşçü”, “Şuşanın azad olunmasına görə” və “Füzulinin azad olunmasına görə” medalları ilə təltif olunub.

***

Anım Günü ilə bağlı bu gün öncə-səhər saatlarında Bilal Qənbərovun məzarı ziyarət olunacaq.

Ziyarətdə Şəhidin ailə üzvləri, qohumları, yaxınları, Səbail rayonundan olan Şəhid ailələri, Şəhid anaları, din xadimləri, məktəblilər və digər şəxslər iştirak edəcəklər.

Şəhidin məzarı üzərinə gül dəstələri düzüləcək, ruhuna dualar oxunacaq.

Ziyarətdən sonra Şəhidin ailəsinin yaşadığı məhəllədə anım mərasim keçiriləcək, ehsan süfrəsi açılacaq.

Məkanı cənnətlik olsun!

Allah ailəsinə, əzizlərinə səbr versin!

00:00

***

Bu gün səhər saatlarında Badamdar qəbiristanlığında Şəhidin məzarının ziyarəti başlayıb.

İzdihamlı, yüzlərlə insanın qatıldığı ziyarət bir saatdan çox çəkib.

Ziyarətdə Şəhidin valideynləri-anası Gültəkin xanbım, atası Xanlar bəy, bacıları, yaxınları, qohumları, Səbaildən və Bakının digər rayonlarından olan Şəhid ailələri, Şəhid anaları, hərbçilər, Qazilər, məktəblilər, din xadimləri, Səbail rayon rəhbərliyi və başqa şəxslər iştirak ediblər.

Şəhidin məzarı üzərinə gül dəstələri düzülüb, ruhuna dualar oxunub, çıxışlar edilib.

Çıxışlarda Bilal Qənbərov da daxil olmaqla, cəmi Şəhidlərin Fəxr və Qürur mənbəyi, baş tacı, and yeri olduğu bildirilib.

Qeyd edilib ki, tarixi Qələbə və Zəfərə görə, hər kəs Bilal Qənbərovlara, cəmi Şəhidlərə borcludur.

Bilal Qənbərovun məzarının ziyarətindən sonra isə yaşadığı evin həyətindəki Xatirə lövhəsi ziyarət olunub, sonra anım mərasimi başlayıb, Şəhidin adına ehsan süfrəsi açılıb.

11:40

***

FOTOLAR:

ŞƏHİDİN, BİLAL QƏNBƏROVUN BOYÜYÜB BOYA-BAŞA ÇATDIĞI EV, ATA OCAĞI…YOLUNU HƏLƏ DƏ HƏSRƏTLƏ GÖZLƏYƏN OCAQ…