“Üçlər” və “Dördlər” bir araya gəlir – TÜRKİYƏDƏ

Avqustun 12-də Türkiyədə “Üçlər”in növbəti Zirvə görüşü keçiriləcək.

Etikxeber.az-ın xəbərinə görə, “Üçlər”in Zirvə toplantısında Türkiyə cümhurbaşqanı Rəcəb Tayyib Ərdoğan, Rusiya Fedareasiyasının (RF) prezidenti Vladimir Putin və İran İslam Respublikasının (İİR) prezidenti Həsən Ruhani iştirak edəcəklər.

Görüşdə əsas müzakirə mövzusu yenə Suriya böhranı, Türkiyənin təhlükəsizliyi və digər məsələlər olacaq.

“Üçlər”in görüşündən sonra isə “Dördlər”in görüşü  baş tutacaq.

Ankaranın ev sahiblliyi edəcəyi “Dördlər”in Zirvə tolantısına isə Ərdoğan və Putinlə yanaşı, Almaniya kansleri Angela Merkellə Fransa prezidenti Emmanuel Makron qatılacaqlar.

“Dördlər”in görüşündə də yenə adıçəkilən məsələlər ətrafında müzakirələr açılıcaq.

Bununla yanaşı, bu görüşlərdən sonra Ərdoğanla ABŞ prezidenti Donald Trampın bir araya gəlməsi gözlənilir.

Görüş BMT Baş Assambleyasının növbəti sessiyası çərçivəsində baş tutacaq və əsas müzakirə mövsuzu Suriya böhranı olacaq.

Kamil HƏMZƏOĞLU

Etikxeber.az